U Žytkavickim rajonie žančyna zaraziła VIČ 83-hadovaha staroha
U intervju «Homielskaj praŭdzie» supracoŭnik Śledčaha kamiteta pa Homielskaj vobłaści Siarhiej Kuźmičoŭ raskazaŭ pra ludziej, jakija traplajuć pad artykuł 157 KK RB ab śviadomym zaražeńni čałavieka virusam imunadeficytu.
Pavodle siłavika, časta takija ludzi złoŭžyvajuć ałkaholem, nie majuć pracy i adukacyi i žyvuć na vioscy.
Adzin z najbolš dziŭnych vypadkaŭ adbyŭsia ŭ Žytkavickim rajonie. 36-hadovaja žančyna pryjechała tudy sa Śvietłahorska i pačała žyć z 61-hadovym biespracoŭnym mužčynam. Da taho časta zachodziŭ jahony 83-hadovy dziadźka. Adnojčy paśla sumiesnaha raśpićcia ałkaholu maładziejšy mužčyna pajšoŭ spać, a starejšy zaprasiŭ žančynu da siabie, i tam u ich adbyłasia intymnaja suviaź.
Paśla taho žančyna praciahvała intymnyja adnosiny z abodvuma pažyłymi mužčynami, pakul u starejšaha ź ich nie pahoršyłasia zdaroŭje. U balnicy ŭ jaho vyjavili VIČ. Pravodziačy pravierku, milicyja ŭstanaviła, što mienavita Aksana mahła być krynicaj zaražeńnia. Prytym vyśvietliłasia, što jana viedała pra svoj VIČ-stan jašče z 2002 hoda, ale ničoha nie kazała partnioram i nie prymała nijakich mier zaściarohi.
Adnak ža abodva jaje kavalery nie pažadali pisać na žančynu zajavu — daravali joj i praciahnuli adnosiny dalej.
U vyniku žančyna abyšłasia tolki tryma hadami abmiežavańnia voli biez nakiravańnia ŭ kałoniju.
Ciapier čytajuć
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha6
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5050
Kamientary
Kali nichto ničoha nie pisaŭ?