Siarod prapanoŭ Ukrainy na pieramovach u Stambule — sustreča Zialenskaha z Pucinym
Dakumient z takoj zajavaj pabačyli žurnalisty Reuters. Jany apublikavali taksama inšyja pieramoŭnyja pazicyi Ukrainy.
Pa infarmacyi Reuters, prapanavanaja Ukrainaj darožnaja karta dla dasiahnieńnia tryvałaha mirnaha ŭrehulavańnia pačynajecca z poŭnaha spynieńnia ahniu praciahłaściu nie mienš za 30 dzion.
Za hetym idzie viartańnie ŭsich pałonnych, jakija ŭtrymlivajucca kožnym z bakoŭ, i ŭkrainskich dziaciej, vyviezienych na terytoryju, jakaja ŭtrymlivajecca Rasijaj, a paśla — sustreča Uładzimira Zialenskaha i Uładzimira Pucina, piša vydańnie.
U dakumiencie taksama havorycca, što ciapierašniaje raźmiaščeńnie linii frontu stanie adpraŭnym punktam dla pieramoŭ ab terytoryi.
1 červienia Zialenski paćvierdziŭ udzieł Ukrainy ŭ pieramovach u Stambule, jakija zapłanavany na 2 červienia.
Papiaredni raŭnd pieramovaŭ prajšoŭ u Stambule 16 maja. Ukrainskuju delehacyju ŭznačalvaŭ ministr abarony Rustem Umieraŭ, rasijskuju — pamočnik Pucina Uładzimir Miadzinski.
Ciapier čytajuć
Poŭny śpis palitviaźniaŭ, vyzvalenych 13 śniežnia7
Kamientary