BNTU: Vykładčyk, jaki ŭciakaŭ ad milicyi, pamior ad sardečnaha prystupu
Na fakultecie infarmacyjnych technałohij i robatatechniki BNTU «Našaj Nivie» paćvierdzili śmierć vykładčyka, za jakim haniałasia milicyja.
«Nikoha nie zabili. Jon pamior ad sardečnaha prystupu. Dziaciej heta nie tyčycca, nie pieražyvajcie».
Na astatnija pytańni pa telefonie adkazvać admovilisia: «My nie možam ničoha bolš kamientavać».
U rektaracie pry hetym supakoili: «U nas spakojnaja abstanoŭka». Tam pakul što pra zdareńnie navat nie čuli.
Raniej staličnyja pabliki paviedamlali, što vykładčyk BNTU sprabavaŭ uciačy ad supracoŭnikaŭ milicyi, jakija jaho zatrymlivali. Adnak mužčyna praz 300 mietraŭ upaŭ i pamior.
Taksama paviedamlałasia, što heta nibyta vykładčyk, jakoha zatrymlivali za damahalnictva. Takuju ž infarmacyju vystaŭlajuć i praŭładnyja prapahandysckija kanały: maŭlaŭ, niama čaho pieražyvać za jaho, a za toje, što ŭciakaŭ ad milicyi, mahli b i stralać pa nahach.
Kamientary