U Hiermanii admianiajuć niadaŭna ŭviedzienuju mahčymaść «ekspres-naturalizacyi»
Urad Hiermanii zaćvierdziŭ zakonaprajekt, jaki admianiaje mahčymaść atrymać hramadzianstva krainy paskoranym šlacham — praz try hady žyćcia ŭ joj. Ciapier hety dakumient nakiravany na razhlad u bundestah, paviedamlaje Deutsche Welle.
Takaja miera stała častkaj pahadnieńnia pamiž kansiervatarami (CHDS/CHSS) i sacyjał-demakratami, jakija ŭtvarajuć novuju kirujučuju kaalicyju paśla daterminovych vybaraŭ u lutym.
Ministr unutranych spraŭ Hiermanii Alaksandr Dobrynt, jaki pradstaviŭ zakonaprajekt, ličyć, što «ekspres-naturalizacyja», uviedzienaja raniejšym uradam (sacyjał-demakraty, «zialonyja» i libierały), była pamyłkovym rašeńniem.
Pavodle jaho, hramadzianstva pavinna być zaviaršeńniem pracesu intehracyi, a nie startam. Jon śćviardžaje, što trochhadovy termin niedastatkovy dla poŭnaj intehracyi ŭ niamieckaje hramadstva.
Taksama zakonaprajekt praduhledžvaje abmiežavańni na siamiejnaje ŭźjadnańnie dla asobnych hrup biežancaŭ. Dobrynt upeŭnieny, što hetyja źmieny dapamohuć źnizić kolkaść achvotnych atrymać prytułak u Hiermanii, bo «ekspres-hramadzianstva» nibyta stvarała dadatkovyja matyvy dla nielehalnaj mihracyi.
Zakonaprajekt jašče pavinien być uchvaleny nie tolki Bundestaham, ale i Bundesratam — pradstaŭnictvam fiederalnych ziemlaŭ. Papiaredniaja pracedura zaniała kala dziesiaci miesiacaŭ, tamu na ŭstupleńnie zakona ŭ siłu spatrebicca čas.
Biełarusy ŭ Polščy atrymlivajuć dziŭnyja listy z patrabavańniem pakinuć krainu ciaham 10 dzion
U ES uzhadnili admienu štampaŭ na miažy Šenhienu
«Historyja nas navučyła». Bierlin adkazaŭ na napadki administracyi Trampa z-za pryznańnia AdH ekstremistami
Na jakich umovach biełarusy mohuć atrymać hramadzianstva Ispanii, Partuhalii, Hiermanii i inšych krain
Ź leta možna budzie ŭziać hramadzianstva Hiermanii, nie admaŭlajučysia ad biełaruskaha
Kancert Maksa Karža pačaŭsia z zatrymkaj na dźvie hadziny. «Biełaruś top!» — kryčać i jon, i fanaty9
Kamientary