Prezident Litvy pazbaviŭ palityka, jaki niadaŭna jeździŭ u Minsk, dziaržaŭnaj uznaharody
Pa prapanovie Rady pa dziaržaŭnych uznaharodach prezident Litvy Hitanas Naŭsieda padpisaŭ ukaz ab vyklučeńni byłoha kandydata ŭ prezidenty Litvy Eduardasa Vajtkusa sa śpisu kavaleraŭ ordena Hiedymina, piša Delfi.lt.
Vajtkusa pazbavili ŭznaharody, jakoj jaho ŭznaharodzili bolš za 20 hadoŭ tamu, u 2004 hodzie. Tady prezident Rałandas Paksas uručyŭ jamu Aficerski kryž ordena vialikaha kniazia litoŭskaha Hiedymina.
Adnak apošnim časam Vajtkus prasłaviŭsia prakramloŭskimi vykazvańniami i zajavami, jakija, na dumku litoŭskich uładaŭ, hańbiać imia krainy. Asablivuju reakcyju vyklikała jahonaja zajava na pres-kanfierencyi ŭ Minsku, dzie jon śćviardžaŭ, što ŭ Litvy niama zakonnaha prezidenta. Paśla hetaha palicyja pačała rasśledavańnie pa artykule Kryminalnaha kodeksa za dziejańni suprać dziaržavy.
Eduardas Vajtkus pryjazdžaŭ u Minsk na zaprašeńnie praŭładnaj partyi «Biełaja Ruś». Jon daŭ u stalicy Biełarusi pres-kanfierencyju i vystupiŭ na Biełaruskim telebačańni.
Akramia zajavy ab nielehitymnaści litoŭskaha prezidenta, Vajtkus paviedamiŭ, što Litva idzie «šlacham źniščeńnia litoŭcaŭ i litoŭskaj dziaržaŭnaści», a taksama vykazaŭsia suprać padtrymki Litvoj biełaruskaha demakratyčnaha ruchu.
Edurdas Vajtkus udzielničaŭ i ŭ parłamienckich, i ŭ prezidenckich vybarach 2024 hoda ŭ Litvie. Jon uznačaliŭ śpis Litoŭskaj narodnaj partyi na parłamienckich vybarach, ale partyja nie pieraadoleła vybarčaha barjera.
Kandydatam u prezidenty Litvy palityk atrymaŭ značnuju padtrymku ŭ takich rehijonach Litvy, jak Salečniki i Visahinas, dzie jaho pieradvybarčyja materyjały raspaŭsiudžvalisia na ruskaj movie. Jaho ahulny vynik — 7,31% i piataje miesca.
Ciapier Vajtkus praciahvaje svaju palityčnuju dziejnaść, sprabujučy stvaryć partyju «Novaja palityčnaja siła».
U Litvie jurydyčna aceniać vykazvańni Eduardasa Vajtkusa ŭ Minsku
Litoŭski prarasijski palityk naviedaŭ Minsk i zajaviŭ, što ŭ Litvie «niama lehitymnaha prezidenta»
Łukašenkaferštejery nie prajšli ŭ parłamient Litvy
Kandydat, što pravodziŭ prarasijskija naratyvy, pieramoh u rajonach Litvy, jakija miažujuć ź Biełaruśsiu
Ciapier čytajuć
Łosik raskazaŭ, jak Babaryku katavali ŭ navapołackaj kałonii15
Łosik raskazaŭ, jak Babaryku katavali ŭ navapołackaj kałonii
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1010
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch10
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»11
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu44
Kamientary