U Ivacevickim rajonie mužčyna padpaliŭ svaju chatu paśla svarki z žonkaj
U dziažurnuju čaść Ivacevickaha RAUS pastupiła infarmacyja pra pažar u vioscy Niachačava. Pavodle danych milicyi, dom padpaliŭ jaho 34-hadovy haspadar, jaki byŭ zatrymany na miescy zdareńnia.
Jak vyśvietliłasia, u dzień zdareńnia mužčyna, jaki žyvie razam z žonkaj i dvuma niepaŭnaletnimi dziećmi, pačaŭ ranicu z užyvańnia śpirtnoha. Nieŭzabavie pamiž im i žonkaj uźnik bytavy kanflikt. U paryvie złości mužčyna pahražaŭ spalić usich u domie, schapiŭ kanistru ź bienzinam i pasprabavaŭ ablić im pakoj. Adnak žoncy ŭdałosia vyrvać jomistaść ź jahonych ruk.
Tady mužčyna znajšoŭ inšuju pasudzinu z palivam, vyliŭ jaje źmieściva na kanapu i padpaliŭ ahniom z zapalnički.
Žančyna sprabavała patušyć ahoń, ale biezvynikova. Jana paśpiešliva evakuiravała dziaciej i samoha muža z chaty, paśla čaho vyklikała pažarnikaŭ.
U vyniku pažaru źniščana kala pałovy chaty i dach.
U dačynieńni da haspadara pačali kryminalnuju spravu za pahrozu źniščeńniem majomaści hramadska niebiaśpiečnym sposabam (maksimalnaje pakarańnie — da 3 hadoŭ pazbaŭleńnia voli). Akramia taho, razhladajecca pytańnie pra zaviadzieńnie spravy za naŭmysnaje paškodžańnie majomaści — za heta moža pahražać da 10 hadoŭ turmy.
Ciapier čytajuć
Ci spynilisia zvalnieńni pa palityčnych matyvach? Voś što raskazali ŭ niekalkich dziaržaŭnych arhanizacyjach5
Kamientary