Biełaruskaja tatuiroŭščyca zrabiła žančynie z pryrodžanym defiektam realistyčnaje vucha
Ała Ramazanava — tatuiroŭščyca ź Minska, jakaja dapamahaje ludziam, vypraŭlajučy kaśmietyčnyja defiekty z dapamohaj hipierrealistyčnych tatuirovak.
Na jaje rachunku sotni prac, padčas jakich jana adnaŭlała žančynam, što pieražyli rak hrudziej i nastupstvy apieracyj, realistyčnyja saski, a taksama «viartała» pupki, damaloŭvała palcy, a adnojčy navat naniesła voka mužčynu, jaki paciarpieŭ u avaryi. Na hety raz Ała dapamahła dziaŭčynie z redkim hienietyčnym zachvorvańniem adnavić vucha, piša Onliner.by.
U klijentki Ały była mikratyja treciaj stupieni — pryrodžanaje hienietyčnaje zachvorvańnie, jakoje charaktaryzujecca defiektam vušnoj rakaviny abo jaje poŭnaj adsutnaściu. Dziaŭčynie zrabili składanuju chirurhičnuju apieracyju, adnak dasiahnuć naturalnaha kaśmietyčnaha efiektu całkam nie atrymałasia. Tut na dapamohu i pryjšła Ała sa svaim hipierrealistyčnym stylem.
Majstrycy ŭdałosia z dapamohaj pracy ź cieniami i hłybinioj uznavić vucha, jakoje na chutki pohlad ciažka adroźnić ad zvyčajnaha.
Pavodle jaje słoŭ, paśla tatu-sieansu jaje klijentka narešcie zmahła adčuć upeŭnienaść u sabie. Vynikami svajoj pracy Ała dzielicca ŭ roliku ŭ sacsietkach.
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»42
Kamientary