Беларуская татуіроўшчыца зрабіла жанчыне з прыроджаным дэфектам рэалістычнае вуха
Ала Рамазанава — татуіроўшчыца з Мінска, якая дапамагае людзям, выпраўляючы касметычныя дэфекты з дапамогай гіперрэалістычных татуіровак.
На яе рахунку сотні прац, падчас якіх яна аднаўляла жанчынам, што перажылі рак грудзей і наступствы аперацый, рэалістычныя саскі, а таксама «вяртала» пупкі, дамалёўвала пальцы, а аднойчы нават нанесла вока мужчыну, які пацярпеў у аварыі. На гэты раз Ала дапамагла дзяўчыне з рэдкім генетычным захворваннем аднавіць вуха, піша Onliner.by.
У кліенткі Алы была мікратыя трэцяй ступені — прыроджанае генетычнае захворванне, якое характарызуецца дэфектам вушной ракавіны або яе поўнай адсутнасцю. Дзяўчыне зрабілі складаную хірургічную аперацыю, аднак дасягнуць натуральнага касметычнага эфекту цалкам не атрымалася. Тут на дапамогу і прыйшла Ала са сваім гіперрэалістычным стылем.
Майстрыцы ўдалося з дапамогай працы з ценямі і глыбінёй узнавіць вуха, якое на хуткі погляд цяжка адрозніць ад звычайнага.
Паводле яе слоў, пасля тату-сеансу яе кліентка нарэшце змагла адчуць упэўненасць у сабе. Вынікамі сваёй працы Ала дзеліцца ў роліку ў сацсетках.
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме32
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары