Pra heta jamu paviedamili zakaznym listom z pasolstva Biełarusi ŭ Maskvie. U liście paviedamlajecca, što Šaramiet moža pryjści i zdać u ambasadzie biełaruski pašpart, atrymać daviedku ab pazbaŭleńni hramadzianstva i zapłacić za heta pošlinu 7 jeŭra.
Pra heta jamu paviedamili zakaznym listom z pasolstva Biełarusi ŭ Maskvie.
Jak raspavioŭ «Biełaruskamu partyzanu» sam Šaramiet, jaki žyvie ŭ Maskvie, list padpisany nie ambasadaram, a adnym z sakrataroŭ. Tam nie paznačana, chto mienavita pryniaŭ rašeńnie ab pazbaŭleńni jaho hramadzianstva – MUS, MZS abo administracyja kiraŭnika Biełarusi. U jakaści pryčyny pazbaŭleńnia hramadzianstva ŭkazvajecca atrymańnie Šaramietam rasijskaha pašpartu.
Taksama ŭ liście paviedamlajecca, što Šaramiet moža pryjści i zdać u ambasadzie biełaruski pašpart, atrymać daviedku ab pazbaŭleńni hramadzianstva i zapłacić za heta pošlinu 7 jeŭra.
«Ja sprabavaŭ vyśvietlić, jakoje viedamstva pryniało rašeńnie ab pazbaŭleńni hramadzianstva, ale mnie pakul nichto aficyjna ničoha nie moža paviedamić. Daje hramadzianstva prezident krainy, jon i pazbaŭlaje hramadzianstva ŭ vypadku dobraachvotnaha zvarotu čałavieka. Ja nikomu nijakich listoŭ nie pisaŭ, ad biełaruskaha hramadzianstva nie admaŭlaŭsia.Pra toje, što ŭ mianie jość hramadzianstva RF, biełaruskija ŭłady viedali jašče 10 hadoŭ tamu – ich ab hetym aficyjna apaviaščajuć, ale reahavali na heta spakojna. Viadoma, što biełaruskija ŭłady navat ŭhavorvajuć ludziej nie admaŭlacca ad biełaruskaha hramadzianstva ŭ vypadku pierajezdu na pastajannaje miesca žycharstva ŭ inšuju krainu.
Žadańnie adabrać u mianie biełaruski pašpart – heta prajava abvastreńnia psichozu biełaruskich śpiecsłužbaŭ. Jany ŭžo nie viedajuć, jak nas ukusić i za jakoje miesca. Biezumoŭna, heta pomsta za maju prafiesijnuju dziejnaść. Pomsta podłaja i hadkaja. Ja nie źbirajusia ničoha abskardžvać zaraz, tamu što heta biessensoŭna. Vierniemsia da hetaj temy paśla revalucyi»-- zajaviŭ Pavał Šaramiet.
***
U 2002 hodzie ŭ Biełarusi byli pryniatyja papraŭki ŭ zakanadaŭstva ab hramadzianstvie, jakija dazvalajuć ludziam mieć druhoje hramadzianstva, kali jany pastajanna pražyvajuć u inšaj krainie, ale nie chočuć razryvać suviaź z radzimaj.
Pa źviestkam «Biełaruskaha partyzana», rašeńnie ab pazbaŭleńni Šaramieta hramadzianstva prymałasia nie ŭ mihracyjnaj słužbie i nie kiraŭnictvam MUS, a niepasredna Savietam biaśpieki.
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary