Nacyjanalny bank vyrašyŭ naładzić vytvorčaść pamiatnych i inviestycyjnych maniet unutry krainy zamiest taho, kab zamaŭlać ich za miažoj. Pra heta paviedamiŭ staršynia praŭleńnia Nacbanka Raman Hałoŭčanka.
Raniej bolšaść takich biełaruskich maniet vyrablałasia ŭ zamiežnych krainach, adnak ciapier ułady chočuć stać bolš niezaležnymi i skaracić zaležnaść ad impartu. Tamu manietnuju vytvorčaść vyrašyli pieranieści ŭ Biełaruś, na homielskaje pradpryjemstva «Kryštal», jakoje raniej zajmałasia vytvorčaściu juvielirnych vyrabaŭ.
Raman Hałoŭčanka adznačyŭ, što heta pradpryjemstva maje dobry ŭzrovień technałahičnaj bazy, abstalavańnie i śpiecyjalistaŭ, i paśla niekatoraha abnaŭleńnia vytvorčaści zmoža jakasna vyrablać maniety. Ideja pajšła ad samoha Nacbanka.
Hałoŭčanka taksama dadaŭ, što ciapier nazirajecca vysoki popyt na maniety z kaštoŭnych mietałaŭ — jak pamiatnyja, tak i inviestycyjnyja, bo jany ličacca nadziejnym aktyvam. Ludzi, maŭlaŭ, usio čaściej addajuć pieravahu realnym kaštoŭnym mietałam, a nie bieznajaŭnym mietaličnym rachunkam.
Płanujecca, što Biełaruś zmoža vypuścić svaju pieršuju inviestycyjnuju manietu na ŭłasnych mahutnaściach užo ŭ hetym hodzie.
Raniej pamiatnyja maniety, naprykład, pryśviečanyja 80-hodździu Pieramohi, vyrablalisia ŭ Kazachstanie, a zvyčajnyja raźlikovyja maniety (1, 2, 5 kapiejek i inš.) — u Litvie i Słavakii.
Ciapier čytajuć
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach6
Kamientary