Ź biełaruskich kramaŭ źnikła cybula. A što zdaryłasia?

Spačatku ŭźnikli prablemy z bulbaj: spačatku jaje nie było, potym źjaviłasia, ale suadnosiny «cana — jakaść» vyklikali šmat pytańniaŭ. Ciapier ža ŭ prodažy amal niemahčyma znajści zvyčajnuju repčatuju cybulu.

Dla pravierki situacyi žurnalisty vypadkovym čynam vybrali 12 kram u roznych rajonach horada — ad nievialikich handlovych kropak da bujnych hipiermarkietaŭ. Tolki ŭ dźviuch kramach była cybula.

Kramy «kala doma»:

U «Jeŭraopcie» na vuł. Śviardłova, 22, nie akazałasia nijakaj cybuli. Takaja ž situacyja ŭ «Susiedziach» na vuł. Kirava, 4.

Niama hetaj harodniny i ŭ «Sancie» na vuł. Kuncaŭščyna, 27, i vuł. Vołacha, 2.

Pavialičyć

I tolki ŭ adnoj z kramaŭ farmatu «kala doma» znajšli zvyčajnuju cybulu pa canie 2,25 rubla za kiłahram — u «Jeŭraopcie» na vuł. Kuncaŭščyna, 19. Pryčym jakaść była dobraja. U asartymiencie była i čyrvonaja — za 2,68 rubla.

U bujniejšych kramach — taksama prablema

U supiermarkiecie «Susiedzi» ŭ TRC Galileo taksama nie było nijakaj cybuli.

A ŭ «Hipa» na vuł. Adzincova, 65, znajšłasia tolki čyrvonaja z Rasii za 3,99 rubla. Zvyčajnaj nie było i ŭ hipiermarkietach roznych handlovych sietak.

Tak, u «Karonie» na vuł. Kalvaryjskaj, 24, na palicach była tolki rasijskaja čyrvonaja cybula (4,38 rubla). U hipiermarkiecie Green na vuł. Prytyckaha, 156, pradavałasia taksama tolki čyrvonaja— 3,98 rubla.

Kab zrazumieć, čamu źnikła cybula, žurnalisty źviarnulisia da śpiecyjalistaŭ u śfiery rytejłu, znajomych ź situacyjaj znutry.

Pradstaŭniki handlovych sietak bačać ceły kompleks pryčyn, što pryviali da deficytu. Zhodna z pastanovaj urada «Ab stabilizacyjnych fondach tavaraŭ», cybula pavinna była prysutničać u najaŭnaści tolki da krasavika. U mai ž u zapasach zastajucca tolki karaniapłody.

Pavialičyć

«Tak što ŭ mai stabfond užo nie abaviazany pastaŭlać cybulu ŭ handal — jaje niama ŭ schoviščach. Da taho ž minuły hod dla cybuli byŭ nieŭradžajny. I toje, što zakłali, było daloka nie lepšaj jakaści: hałoŭki drobnyja, chutka psavalisia», — raspaviała krynica Tochka.by.

I jašče adzin niuans: zhodna ź inšaj pastanovaj Savieta Ministraŭ, dla roźničnaha handlu da 15 maja na zvyčajnuju repčatuju cybulu (niezaležna ad taho, impartnaja jana ci ajčynnaja) była ŭstanoŭlena maksimalnaja cana — 2,25 rubla. Zakupačnaja cana impartnaj harodniny nie dazvalaje handlu sfarmavać patrebnuju roźničnuju canu.

Jak paviedamili ŭ rytejle, ciapier u roźničnym prodažy jość čyrvonaja i biełaja cybula, cybula-šałot i inšyja hatunki, na jakija ceny nie rehulujucca.

• 0
• 0
• 6
• 8
• 4
• 1
• 0
• 0