Pradpryjemstva «Minskenierha» paviedamiła, što ŭ suviazi z pryniatym 8 maja rašeńniem Minharvykankama ab uklučeńni sistem aciapleńnia na staličnych abjektach sacyjalnaj śfiery raniej zapłanavanaje na maj tradycyjnaje adklučeńnie na peŭny čas haračaha vodazabieśpiačeńnia ŭ niekatorych rajonach Minska budzie pieraniesiena.
Pryčyna pieranosu — niezvyčajna nizkija dla hetaha času tempieratury.
«My razumiejem, jak važna zachavać utulnaść u vašych damach, asabliva ŭ takich nieŭłaścivych dla siaredziny maja umovach nadvorja», — zajaŭlaje «Minskenierha».
Novyja terminy adklučeńniaŭ buduć abvieščanyja paśla pryniaćcia Minharvykankamam rašeńnia ab zaviaršeńni aciaplalnaha siezona dla spažyŭcoŭ sacyjalnaj śfiery.
Raniej anałahičnyja rašeńni pryniali ŭ Viciebsku, Homieli, Baranavičach, Pinsku i Babrujsku.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary