Na placoŭcy «Kufar» źjavilisia abjavy pra prodaž hatovych botaŭ, jakija dapamahajuć adšukać i zaniać svabodnyja słoty dla zapisu na padaču dakumientaŭ na polskuju vizu.
Hieałakacyja abiedźviuch abjaŭ — Hrodna i vobłaść. Bot dla zapisu abydziecca ŭ 900 rubloŭ, piša Hrodna.life.
Abjavy ŭ raździele «Hatovy biźnies» vykłaŭ karystalnik pad imiem Valeryj. Tavar — kod dla bota. U sakaviku hatovy bot kaštavaŭ 800 rubloŭ, u traŭni cana vyrasła da 900 rubloŭ. Abiedźvie abjavy prapanujucca dla aŭdytoryi z Hrodna i vobłaści. Pradavałasia takoje ž i na «Barachołcy» Onliner.by.
Karystalnik pad nikam valera2901 sprabavaŭ pradać hatovaha bota ŭ listapadzie 2024 hoda. «Akupajemaść 3—4 miesiacy, praca dystancyjnaja — vam patrebny tolki noŭtbuk, mahčymy varyjant supracoŭnictva. Padtrymka prahramista biez dapłat, mahčymy varyjant arendy bota», — pisaŭ valera2901.
Uličvajučy, što ciapier biełarusy hatovyja płacić ad 400 rubloŭ za dapamohu ŭ rehistracyi na vizy, pakupnik tearetyčna moh by akupić układańni ŭžo z dvuch pieršych klijentaŭ.
Jakija schiemy prydumlajuć biełarusy, kab zapisacca na padaču
Z-za vysokaha popytu i niemahčymaści samastojna zapisacca ŭ vizavyja centry, biełarusy prydumlajuć roznyja schiemy, jakija spraščajuć praces padačy dakumientaŭ.
U vieraśni 2024 stała viadoma, što biełarusy ź inšych rehijonaŭ mianiajuć prapisku na hrodzienskuju. Dla hetaha jany znachodziać pasiarednikaŭ, hatovych prapisvać ich u svajoj kvatery, i płaciać za pasłuhu da 300 rubloŭ. Na toj momant atrymać pracoŭnuju vizu ŭ Hrodnie było praściej, čym u Minsku ci Breście.
Atrymać polskuju vizu ŭsio składaniej
Praces atrymańnia polskaj vizy dla biełarusaŭ uskładnieny. Štat konsulskich supracoŭnikaŭ u Minsku, Breście i Hrodnie za apošnija čatyry hady mocna skaraciŭsia, i vizavych ankiet stali prymać mienš.
Z studzienia 2024 hoda ŭrad Polščy zharnuŭ prahramu vydačy viz dla fryłansieraŭ, startapieraŭ i supracoŭnikaŭ śfiery IT «Poland. Business Harbour».
Navat z zaprašeńniem ad svajakoŭ, siabroŭ abo pracadaŭcy zapisacca na atrymańnie vizy samastojna amal niemahčyma. Firmy-pasiaredniki, jakija prapanujuć dapamohu ŭ zapisie na polskuju vizu, biaruć za svaje pasłuhi ad 400 da 1000 rubloŭ z čałavieka ŭ zaležnaści ad typu vizy.
Ciapier čytajuć
«Hłavnoje»: chto staić za najbolšaj sietkaj rehijanalnych telehram-kanałaŭ Biełarusi. Jaje ślady viaduć u Rasiju3
Kamientary
Biełarusy ž samyja razumnyja, praŭda? Usie z vyšejšaj adukacyjaj. A jašče biełarus biełarusu biełarus. Heta łozunh apošnich hadoŭ.
Dyk voś heta ŭsio mify. Praŭda ŭ tym, što kali b isnavała Hodnaść, to i Salidarnaść isnavała b... Nie było b dyktatury naohuł.
...a dyktatura ustaloŭvajecca tolki tam, dzie niahodnyja ludzi za hrošy zhodnyja rabić niahodnyja rečy... Dyk vychodzić, što heta zasłužanaja dyktatura.