Ci možna ciapier trapić na ekskursiju ŭ biełaruskuju zonu adčužeńnia?
Va Ukrainie ŭžo treci hod idzie poŭnamaštabnaja vajna. Zrazumieła, što ŭ takoj situacyi daloka nie kožny zamiežnik moža trapić va ŭkrainskuju častku Čarnobylskaj zony. A što nakont biełaruskaj častki?
Takoje pytańnie abmiarkoŭvajuć zamiežniki na turystyčnym sajcie Tripadvisor. Biełaruskaja zona adčužeńnia miažuje z Ukrainaj, i heta jašče adna nahoda zasumniavacca: kali takija tury isnujuć, nakolki jany biaśpiečnyja?
Akazvajecca, takija pajezdki dahetul jość — i bolš za toje, jany vielmi papularnyja. Ich ładzić niekalki biełaruskich kampanij, siaredni košt składaje prykładna 150-170 rubloŭ za pajezdku, ale možna znajści i tur za 260 rubloŭ. Prahrama ŭsich turaŭ padobnaja: možna pabačyć niekalki adsielenych viosak, amal va ŭsich turach taksama pakažuć muziej Paleskaha radyjacyjna-ekałahičnaha zapaviednika.
Braniravać datu treba zahadzia.
Ale ci biaśpiečna heta? My źviazalisia jak klijenty ź niekalkimi ahienctvami — nas zapeŭnili, što tury ŭ biełaruskuju častku zony całkam biaśpiečnyja. Adzinaje, što zahadzia vam aformiać propusk u zonu, ale takoje patrabavańnie isnavała i da poŭnamaštabnaj vajny.
«Naša Niva» — bastyjon biełaruščyny
PADTRYMAĆSiońnia dzień, jaki biełarusam nielha, ni ŭ jakim razie nielha zabyvać
Paśla avaryi na ČAES kiraŭnikoŭ BSSR chacieli sudzić, a abaraniaŭ ich Łukašenka
«Razharnu ściah z Pahoniaj, a kala chaty stanu na kaleni i pierachryščusia». Traktaryst z Chojnikaŭ u Łatvii zarablaje ŭ šeść razoŭ bolš, ale maryć pra viartańnie
Kamientary