Jak Nadzieja Kadyšava stała novaj zorkaj stadyjonaŭ — rasijskaja moładź skača ŭ karahodach
Kali ŭ vas jość tyktok, vierahodna, vy sustrakali roliki, u jakich poŭnaja zała padletkaŭ ładzić dzikija karahody na kancertach ansambla «Załatoje kalco». Ubačyć słem pad «Tiečiet ručiej, biežit ručiej» — heta toje, da čaho žyćcio nie rychtuje nikoha. I niejrasietki tut ni pry čym, raspaviadaje Onliner.
Heta praŭda: u 65 hadoŭ Nadzieja Kadyšava niečakana pryjšła da vystupleńniaŭ na vialikich arenach, dzie ŭžo na treciaj pieśni poŭnaja zała maładych ludziej zabivaje na siadziačyja miescy i skača la sceny, nibyta da ich pryjechali Limp Bizkit. Trek «Płyvie vianočak» razryvaje tyktok, maładyja pradziusary robiać na jaho dram-n-bejs– i fonk-remiksy, a sama Nadzieja na chvali moładzievaha chajpa pavialičvaje hanarar za svaje vystupy ŭ 20 razoŭ.
Žadajecie «Załatoje kolca» na karparatyŭ? Cana pytańnia — ścipłyja $238 tysiač. Na dadzieny momant jana samaja darahaja śpiavačka SND. Kaliści za takija hrošy možna było Snup Doha pryvieźci choć da siabie na daču.
Usplosk cikavaści da piesień «Załatoha kalca» ŭ Rasii muzyčnyja krytyki źviazvajuć z dvuma faktarami. Pieršaja — susiedskaja tendencyja «ŭsio narodnaje» ŭ pop-muzycy.
Druhaja važnaja detal, jakuju treba razumieć, razvažajučy ab papularnaści Nadziei, zaklučajecca ŭ tym, što zumiery nie mohuć lubić niešta padobnaje bieź ironii — taki dyskurs mietamadernu. Heta jak znajści na haryščy majku dzieda z pryntam «Pi piva — bieražy vadu» i nasić jaje, źmiešvajučy ŭ łukach z aryhinalnym Burberry. Heta zaŭsiody pra pravakacyju, ale nieabaviazkova złosnuju.
U hetym płanie teza «Ja ŭčora tusiŭ(ła) na kancercie Kadyšavaj» hučyć vielmi navat prydatna. Kali b na ŭvachodzie na kancerty «Załatoha kalca» adymali telefony, vielmi chutka zały b prykmietna paradzieli. Tamu što hałoŭny pierfomans takoha viečara — heta nie paskakać pad «Płyvie vianočak», a źniać, jak ty skačaš pad «Płyvie vianočak». Pakazać, što ty ŭ temie hetaha elitarnaha pastyraničnaha trendu. Što, zrešty, nie zaminaje šmat kamu atrymlivać ščyraje zadavalnieńnie.
Usia hetaja historyja sapraŭdy hučyć jak niešta siezonnaje i niedaŭhaviečnaje, ale fienamienalnaje.
Ciapier čytajuć
«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie21
Kamientary