Zabaraniać Zoom i hrupavyja zaniatki dla repietytaraŭ pieradumali paśla rezanansu
Minadukacyi zaviaršyła hramadskaje abmierkavańnie prajekta pastanovy ab repietytarach. Niekatoryja sprečnyja punkty z dakumienta prybrali.
Prajekt pastanovy «Ab paradku ažyćciaŭleńnia samastojnaj prafiesijnaj dziejnaści pa navučańni» vyklikaŭ peŭny rezanans. Dakumient praduhledžvaŭ surjoznyja abmiežavańni dla repietytaraŭ: zabaraniaŭ vykarystoŭvać zamiežnyja prahramy typu Zoom, pravodzić hrupavyja zaniatki i pracavać z darosłymi, jakija nidzie nie vučacca.
Na etapie hramadskaha abmierkavańnia dakumient sabraŭ šmat niehatyŭnych kamientaroŭ. U Ministerstvie adukacyi vyrašyli zhładzić vostryja momanty i prybrać niekalki sprečnych punktaŭ.
Viedamstva admoviłasia ad idei abaviazać repietytaraŭ pracavać tolki ŭ prahramach, jakija zarehistravany ŭ Biełarusi. Heta aznačaje, što Zoom, Google Meet i inšyja papularnyja dadatki dla suviazi i dystancyjnych urokaŭ zabaraniać pakul nie buduć.
Akramia taho, Ministerstva adukacyi vyrašyła nie zabaraniać hrupavyja zaniatki dla repietytaraŭ i nastaŭnikaŭ-defiektołahaŭ. Jany zmohuć pracavać z hrupami da čatyroch čałaviek.
Taksama ŭ abnoŭlenym dakumiencie ŭdakładnili paradak, pa jakim vučni pavinny buduć pakazvać repietytaru dakumient pra toje, što jany vučacca ŭ škole, univiersitecie ci ŭ aśpirantury. A jašče repietytaraŭ abaviažuć pakazvać vučniam daviedku pra toje, što jany nie ŭčyniali złačynstvaŭ, jakija abmiažoŭvajuć pracu ź dziećmi.
Astatnija sprečnyja punkty ŭ dakumiencie, vidać, vyrašyli pakinuć. Naprykład, pastanova praduhledžvaje, što karystacca pasłuhami repietytara mohuć tolki tyja, chto niedzie vučacca. Heta značyć, darosłym, naprykład, kab vyvučyć anhlijskuju, daviadziecca źviartacca ŭ moŭnyja škoły, a nie da repietytara.
Jašče pastanova zabaraniaje repietytaram vučyć tancam, muzycy, vakału ci kampjutarnaj hramatnaści niepaŭnaletnich.
Abnoŭlenaja pastanova pakul nie pryniata Savietam Ministraŭ.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać25
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2222
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna22
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5757
Kamientary