Rašeńnie Rubia vyklikała sumnievy adnosna pośpiechu pieramoŭnaha pracesu.
Dziaržsakratar ZŠA Marka Rubia nie budzie brać udzieł u sustrečy pradstaŭnikoŭ Ukrainy, ZŠA, Jeŭrasajuza ŭ Łondanie, na jakoj pavinny abmiarkoŭvacca ŭmovy pahadnieńnia ab spynieńni ahniu va Ukrainie, paviedamlaje Rasijskaja słužba Radyjo Svaboda.
Dziaržsakratar Rubia pryniaŭ heta rašeńnie ŭ aŭtorak paśla taho, jak prezident Ukrainy Uładzimir Zialenski publična adchiliŭ adno z klučavych umoŭ mirnaha ŭrehulavańnia, prapanavanaha administracyjaj Donalda Trampa, — pryznańnie Ukrainaj rasijskaj jurysdykcyi nad Krymam.
Raniej u aŭtorak pres-sakratar Dziarždepartamienta Temi Brus paćviardžała namier Marka Rubia ŭdzielničać u pieramovach. Pavodle jaje słoŭ, «u Łondana jość patencyjał».
Rašeńnie Dziaržsakratara skasavać pajezdku ŭ Łondan jana patłumačyła «łahistyčnymi prablemami ŭ jaho raskładzie».
Jak pišuć amierykanskija ŚMI, admova Marka Rubia ad udziełu ŭ łondanskaj sustrečy ŭźnimaje pytańni ab stanie pieramoŭnaha pracesu.
Na minułym tydni paśla sustrečy z pradstaŭnikami Ukrainy i jeŭrapiejskimi sajuźnikami ŭ Paryžy Rubia papiaredziŭ, što prezident ZŠA Donald Tramp hublaje ciarpieńnie adnosna zaciahnutych pieramovaŭ i moža pryśviacić svaju ŭvahu «inšym pryjarytetam».
Dziarždepartamient paćvierdziŭ udzieł u łondanskaj sustrečy śpiecyjalnaha pradstaŭnika prezidenta Trampa pa Ukrainie Kita Kiełaha.
Pakul nieviadoma, ci voźmie ŭ joj udzieł pradstaŭnik Trampa pa Rasii Styvien Uitkaf, jaki za apošnija miesiacy trojčy sustrakaŭsia z Uładzimiram Pucinym i, jak čakajecca, iznoŭ sustreniecca ź im na hetym tydni.
Ciapier čytajuć
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje23
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju77
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju7
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary