Maci i syn, jakija razam pakinuli «Azoŭstal», sustrelisia padčas učorašniaha abmienu praz try hady pałonu
Padčas abmienu pałonnymi 19 krasavika z rasijskaha pałonu viarnulisia maci i syn Marharyta i Rusłan Vinahrad. Jany razam vyšli z «Azoŭstali» 17 maja 2022 hoda i try hady ničoha nie viedali pra los adzin adnaho, paviedamlaje «Suśpilnie».
19 krasavika maci i syn ubačylisia ŭ aŭtobusie i zmahli ŭpieršyniu za doŭhi čas abniacca. Zaraz Rusłanu 22 hady.
Jon pisaŭ listy maci, dumaŭ, što jana ŭžo vyzvalena ź niavoli.
«Ja dahetul nie vieru… Tamu što mnie śniłasia šmat takich snoŭ… Ty vychodziš i abdymaješ svaich dziaciej, abdymaješ svaju siamju… A potym, kali ŭstaješ u šeść ranicy, razumieješ, što heta son… I heta vielmi ciažka. I siońnia ja sustreła jaho. I kažu: «Kali heta moj son, nie budzicie mianie!» — padzialiłasia Marharyta.
U ramkach pieradvielikodnaha abmienu z rasijskaha pałonu viarnulisia 246 ukrainskich vajskoŭcaŭ, bolšaść ź jakich — junaki 2000-ch hadoŭ naradžeńnia. Jašče 31 čałavieka vyzvalili pa-za miežami abmienu.
Ciapier čytajuć
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie44
Kamientary