Biełarus uźjeŭsia na «Aerafłockija» i «Alonku»: što nie tak z hetymi cukierkami
Pakryŭdžany amatar sałodkaha śćviardžaje, što dla tych, chto prapanavaŭ takoje navatarstva, pryhatavany asobny kacioł u piekle.
U siecivie źjaviŭsia rolik, stvaralnik jakoha, zdajecca, vielmi zasmučany cukierkami biełaruskaj kandytarskaj fabryki «Spartak», zaŭvažyła vydańnie «Točka».
I sprava zusim nie ŭ ich smaku — aŭtara aburyła pakavańnie. Raniej cukierki «Aerafłockija» i «Alonka» rabili sa śpiecyjalnymi zubčykami pa krajach fancikaŭ, kab było zručna adkryvać.
Ale apošnija partyi vyjšli prosta zapajanymi – i dabracca da prysmakaŭ akazałasia nadzvyčaj składana.
«Dla tych, chto zrabiŭ takoje pakavańnie, hrejuć asobny kacioł», — napisaŭ razzłavany karystač.
Što havorać na fabrycy
Kandytarskaja fabryka nie stała ihnaravać hety kryk rospačy i paśpiašałasia rastłumačyć situacyju.
Na fabrycy patłumačyli, što zubčyki na ŭpakoŭcy cukierak rabiła śpiecyjalnaje abstalavańnie, ale jano znasiłasia. Jaho zamianili na ajčynnuju pryładu, jakaja pakidaje krai fancika roŭnymi.
«My razumiejem važnaść zručnaści dla našych spažyŭcoŭ, tamu ŭ bližejšy čas viartajem zubčastaje abrazańnie krajoŭ. Heta abaviazkova paraduje našych pakupnikoŭ, bo ich lubimyja cukierki znoŭ buduć lohka adkryvacca», — paabiacali ŭ kampanii.
Ciapier čytajuć
«Što vy hadaść amierykanskuju padsoŭvajecie?» Łukašenka zahadaŭ, kab u Mak.by ŭsio było biełaruskaje3
Kamientary
«Kommunarka» hoŕkij šokoład v takoj žie folhie nie zapajan, srok hodnosti - 2 hoda.
Mnie vot intieriesno, čto za nanotiechnołohii pozvolili biełorusskim proizvoditielam hoŕkoho šokołada za poślednije hody uvieličiť sroki hodnosti vypuskajemoj imi produkcii v nieskolko raz (s odnoho hoda) i počiemu dla Kitaja on vsieho 6 miesiaciev?