Administracyja Trampa zamaroziła 2,2 miljarda dalaraŭ dla Harvardskaha ŭniviersiteta
Ministerstva adukacyi ZŠA abviaściła pra zamarožvańnie dziaržaŭnaha finansavańnia na sumu 2,2 miljarda dalaraŭ dla Harvardskaha ŭniviersiteta paśla taho, jak navučalnaja ŭstanova adchiliła patrabavańni administracyi Trampa.
«Abjadnanaja metavaja hrupa pa baraćbie z antysiemityzmam abviaščaje pra zamarožvańnie 2,2 młrd dalaraŭ doŭhaterminovych hrantaŭ i 60 młn dalaraŭ doŭhaterminovych kantraktaŭ dla Harvardskaha ŭniviersiteta», havorycca ŭ pres-relizie.
Na minułym tydni Bieły dom nakiravaŭ u Harvard śpis patrabavańniaŭ, nakiravanych na žorstki dziaržaŭny kantrol i radykalnyja źmieny ŭ kiravańni ŭniviersitetam.
Adnak u paniadziełak, 14 krasavika, Harvard admoviŭsia vykonvać hetyja patrabavańni, zajaviŭšy, što administracyja Donalda Trampa parušaje Pieršuju papraŭku da Kanstytucyi ZŠA, pieravyšaje paŭnamoctvy ŭrada zhodna z Zakonam ab hramadzianskich pravach i pahražaje aŭtanomii pryvatnaj ustanovy.
U svaju čarhu, Ministerstva adukacyi ZŠA paviedamiła pra zamarožvańnie finansavańnia, padkreśliŭšy, što isnujučyja parušeńni navučalnaha pracesu źjaŭlajucca niedapuščalnymi.
«Parušeńni navučalnaha pracesu, ad jakich ciarpiać kampusy apošnija hady, nieprymalnyja. Pieraśled habrejskich studentaŭ niedapuščalny. Elitnym univiersitetam čas surjozna pastavicca da hetaj prablemy i ŭziać na siabie abaviazacielstvy adnosna istotnych źmienaŭ, kali jany žadajuć i dalej atrymlivać padtrymku ad padatkapłatnikaŭ», havorycca ŭ pres-relizie.
Ciapier čytajuć
Babaryka zojmiecca biznesam — užo adkryŭ kampaniju ŭ Hiermanii5
Babaryka zojmiecca biznesam — užo adkryŭ kampaniju ŭ Hiermanii
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1212
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu12
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary
Dziejač balšavicki kamientaraŭski pa sutnaści avanturyst i ašukaniec Radek 1927 hod na bankiecie balšavikoŭ ahučył tost Za 10 hodzie vialikaj ..iaŭrejskaj revalucyi" ..ŭsie plaskali