Litva pradaść biełaruskija hruzaviki, kanfiskavanyja za parušeńnie sankcyj
Małakavozy i pažarnyja MAZy, jakija išli ŭ Kubu i Zimbabve, mohuć apynucca va Ukrainie.
Ułady Litvy pryniali rašeńnie pradać na aŭkcyjonie biełaruskuju hruzavuju techniku, kanfiskavanuju za parušeńnie sankcyj. Pra heta zajaviła hienieralnaja prakurorka krainy Nida Hrunskienie.
Usiaho havorka idzie pra 17 małakavozaŭ i 17 pažarnych mašyn. Małakavozy pryznačalisia dla Kuby, pažarnyja aŭtamabili — dla Zimbabve, adnak u 2023 hodzie jany byli zatrymanyja ŭ porcie Kłajpiedy, piša Bernardinai.
Jak miarkujuć u Vilni, ekspart takoj techniki ź Biełarusi parušaje mižnarodnyja sankcyi, uviedzienyja suprać režymu Alaksandra Łukašenki. Tamu mašyny byli aryštavanyja, a ciapier — pastaŭlenyja na prodaž.
U 2024 hodzie zimbabvijski bok sprabavaŭ dabicca viartańnia svajoj techniki. U Litvu pryjazdžaŭ hienieralny prakuror Zimbabve, jaki zajaŭlaŭ, što pažarnyja mašyny pavinny achoŭvać abjekty Suśvietnaj spadčyny. Adnak viarnuć hruzaviki nie atrymałasia.
Nida Hrunskienie padkreśliła, što Litva spadziajecca: pakupniki pieradaduć hetyja hruzaviki Ukrainie, jakaja vostra maje patrebu ŭ technicy.
Ciapier čytajuć
Bondarava dakałupałasia da vierša «Vaviorka» ŭ prahramie dziciačych sadkoŭ. Što ź im nie tak?6
Bondarava dakałupałasia da vierša «Vaviorka» ŭ prahramie dziciačych sadkoŭ. Što ź im nie tak?
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4242
Kamientary
arda
letuva