Ukazvać metu pajezdki i słužbu ŭ armii. Siejm Łatvii ŭchvaliŭ novyja patrabavańni pry pierasiačeńni miažy
U čaćvier Siejm Łatvii ŭ kančatkovym čytańni ŭchvaliŭ papraŭki da Imihracyjnaha zakona i Zakona «Ab dziaržaŭnaj miažy». Źmieny praduhledžvajuć patrabavańnie dla hramadzian trecich krain, u jakich niama vydadzienaj u Łatvii vizy abo dazvołu na žycharstva, pradastaŭlać pierad ujezdam u Łatviju kankretnyja źviestki pra siabie, svajakoŭ i metu pajezdki, piša Delfi.lv.
Taksama propusk u pryhraničnuju zonu hramadzianam trecich krain, pačynajučy z 15-hadovaha ŭzrostu, budzie vydavacca tolki pry zhodzie Słužby dziaržaŭnaj biaśpieki.
Papraŭki, jakija abmiarkoŭvajuć umovy dopusku ŭ pryhraničnuju zonu, ustupiać u siłu z momantu abviaščeńnia i buduć dziejničać da kanca 2027 hoda. Papraŭki da Imihracyjnaha zakona, jakija ŭvodziać dla hramadzian trecich krain patrabavańnie pradastaŭlać infarmacyju pra siabie i metu vizitu, ustupiać u siłu 1 vieraśnia hetaha hoda.
Pad dziejańnie zakonaŭ patrapiać hramadzianie ŭsich krain, vyklučajučy dziaržavy-členy ES, NATA.
Havorka idzie ŭ pieršuju čarhu pra Rasiju, Biełaruś i krainy SND.
Zamiežniki, jakim Łatvija vydała dakumienty na pražyvańnie, užo prajšli pravierki. Adnak, uličvajučy roznaje razumieńnie ryzyk i ŭzrovień talerantnaści ŭ krainach Jeŭrapiejskaha Sajuza i Šenhienskaj zony, hramadzianie Rasii i Biełarusi majuć roznyja mahčymaści atrymańnia takich dakumientaŭ i svabodnaha pieramiaščeńnia ŭ Šenhienskaj zonie, padkreślivajecca ŭ anatacyi da papravak u Imihracyjny zakon.
Hramadzianie trecich krain, jakija nie majuć vydadzienaj u Łatvii vizy abo dazvołu na žycharstva, buduć abaviazany za 48 hadzin da ŭjezdu ŭ Łatviju ŭkazać metu pajezdki, mierkavany termin znachodžańnia, miesca pražyvańnia, maršrut pieramiaščeńnia i kantaktnuju infarmacyju.
Taksama spatrebicca infarmacyja pra śfieru zaniataści i pra toje, ci pretendavaŭ kankretny hramadzianin treciaj krainy na vybarnuju pasadu, ci maje jon ciapier abo mieŭ u minułym status dziaržaŭnaha abo municypalnaha słužboŭca.
Treba budzie pradastaŭlać infarmacyju pra słužbu va ŭzbrojenych siłach, śpiecsłužbach, pamiežnaj achovie, mytni, ustanovach unutranych spraŭ, jurydyčnych abo zamiežnych (uklučajučy dypłamatyčnyja) viedamstvach.
Heta abaviazak płanujecca ŭvieści ź vieraśnia hetaha hoda. Za niepradastaŭleńnie abo pradastaŭleńnie iłžyvaj infarmacyi moža być nakładzieny štraf da 2000 jeŭra.
Ciapier čytajuć
Siońnia Minsk pračnuŭsia ŭnačy ad hučnaha huka, padobnaha da drona9
Siońnia Minsk pračnuŭsia ŭnačy ad hučnaha huka, padobnaha da drona
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary
A aplikanty na vizu davali razhornutyja adkazy ū ankietach, na tyja ž pytaņni, u tym liku tlumačyli svajo finansavaņnie na termin pierabyvaņnia ū Latvii.
Padajecca, što ūlady Latvii prosta zabiaspiečvajuc` siabie dadatkovymi pracedurami, kab admaūliac` u dazvolie na ūezd. Napryklad, na liubym etapie, kali paličac` patrebnym, zrobiac` niemahčymym ujezd dlia asobaū, što prajšli službu ū vojsku, aļbo paličac` niepažadanaj metu pajezdki, i dtp. Pašyrajuc` spis mahčymasciaū i zakonnych padstavaū na admovu...