Uołc i jaho kamanda vykarystoŭvali nieabaronienuju poštu Google dla dziaržaŭnych spraŭ
Daradca Trampa pa nacyjanalnaj biaśpiecy jašče nie vyjšaŭ z adnaho skandału, jak žurnalisty nakapali inšy.
Daradca prezidenta ZŠA pa nacyjanalnaj biaśpiecy Majk Uołc i jaho kamanda vykarystoŭvali nieabaronienuju elektronnuju poštu Google dla viadzieńnia dziaržaŭnych spraŭ, piša The Washington Post.
Try amierykanskija čynoŭniki ŭ kamientarach vydańniu adznačyli, što členy Rady nacyjanalnaj biaśpieki prezidenta ZŠA viali dziaržaŭnyja spravy praz asabistyja akaŭnty Gmail. Heta taksama paćvierdzili dakumienty, ź jakimi aznajomiłasia The Washington Post.
Zhodna z elektronnymi listami, Uołc vykarystoŭvaŭ elektronnuju poštu dla razmoŭ z kalehami ź inšych dziaržaŭnych ustanoŭ, jakija, u tym liku, tyčylisia važnych vajskovych spraŭ.
Pa słovach surazmoŭcaŭ, Uołc atrymlivaŭ infarmacyju pra svoj hrafik i inšyja pracoŭnyja dakumienty praz poštu Google. Jany skazali, što časam daradca prezidenta ZŠA pa nacyjanalnaj biaśpiecy kapiravaŭ danyja i ŭstaŭlaŭ sa svajho hrafika ŭ Signal dla kaardynacyi sustreč i abmierkavańniaŭ.
Ekśpierty kažuć, što vykarystoŭvać asabistuju elektronnuju poštu, navat dla niesakretnych materyjałaŭ, ryzykoŭna, uličvajučy kaštoŭnaść dla zamiežnych śpiecsłužb infarmacyi pra kantakty i paradak dnia vysokapastaŭlenych čynoŭnikaŭ urada ZŠA.
Nahadajem, niadaŭna ŭ ZŠA razhareŭsia inšy skandał vakoł Majka Uołca. Jon vypadkova dadaŭ hałoŭnaha redaktara The Atlantic Džefry Hołdbierha ŭ sakretny čat Signal, dzie abmiarkoŭvalisia ŭdary pa jemienskich chusitach.
Donald Tramp staŭ na bok svajho daradcy i admoviŭsia zvalniać jaho.
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu4
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1919
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch19
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8585
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie85
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary
osobienno hłavnoho po nacbiezopasnosti.. eto epično..
I hetyja ludzi vyznačajuć, bieź pierabolšvańnia, los čałaviectva)
😵💫