Tramp spadziajecca, što Pucin pahodzicca na pahadnieńnie ab spynieńni vajny
«Ja chaču pierakanacca, što Pucin daviadzie spravu da kanca», — skazaŭ prezident ZŠA
Prezident ZŠA Donald Tramp zajaviŭ padčas razmovy z žurnalistami ŭ Avalnym kabiniecie Biełaha doma, što raźličvaje na zhodu rasijskaha prezidenta Uładzimira Pucina ŭkłaści ŭhodu dla spynieńnia vajny va Ukrainie, paviedamlaje Bi-bi-si.
«Ja chaču pierakanacca, što jon daviadzie spravu da kanca.Ja dumaju, jon vykanaje toje, pra što kazaŭ mnie, i vykanaje svaju častku ŭhody ciapier», — skazaŭ Tramp.
Sa słoŭ amierykanskaha lidara, jon nie chacieŭ by ŭvodzić druhasnyja myty na rasijskuju naftu, ale jamu daviadziecca heta zrabić, kali nie budzie dasiahnuty prahres va ŭrehulavańni va Ukrainie.
«Ja nie chaču ŭvodzić druhasnyja pošliny na jaho naftu. Ale, dumaju, heta ja b zrabiŭ, kali b ličyŭ, što jon nie spraŭlajecca z pracaj. Ja zrabiŭ heta ź Vieniesuełaj, — skazaŭ Tramp. — Ja chaču, kab jon zaklučyŭ uhodu, kab zabojstvy rasijskich i ŭkrainskich žaŭnieraŭ spynilisia». Jon taksama prakamientavaŭ pahadnieńnie z Kijevam ab zdabyčy karysnych vykapniaŭ, jakoje nie było padpisana ŭ toj dzień, kali ŭ Biełym domie adbyłasia svarka Trampa i vice-prezidenta ZŠA Džej Dzi Vensa z ukrainskim prezidentam Uładzimiram Zialenskim.
«Ja jašče nie havaryŭ ź imi [z Ukrainaj], ale praz vas [žurnalistaŭ] ja daviedaŭsia, što jany ciapier kažuć: «Ja pajdu na hetuju ŭhodu, tolki kali my ŭstupim u NATO» — ci niešta ŭ hetym rodzie. Pa-pieršaje, heta nikoli nie abmiarkoŭvałasia. Pa-druhoje, […] zadoŭha da Pucina jany [Rasija] kazali, što vy nie ŭstupicie ŭ NATO».
«Mahčyma, mienavita praz heta pačałasia vajna», — dadaŭ Tramp.
Ciapier čytajuć
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary