U Homieli skulpturu Huliviera zamieniać na skulpturu ratavalnika
U Homieli źnikła znakamitaja skulptura Huliviera, jakaja kala dvaccaci hadoŭ azdablała park ź dziciačym haradkom na rahu Rečyckaha praśpiekta i vulicy Sasnovaj i była vizitoŭkaj hetaha miesca, piša homielskaje vydańnie «Biełka».
Reč u tym, što ciapier tut idzie ŭładkavańnie skviera Ratavalnikaŭ, tamu zamiest Huliviera pastaviać inšuju skulpturu — ratavalnika ź dziciom na rukach vyšynioj u 3,5 mietra biez uliku pastamienta.
Taksama ŭ skviery źjaviacca alei z parkavymi i stylizavanymi łaŭkami ad MNS, dziciačaj hulniavoj placoŭkaj, kaviarniaj i parkoŭkaj.
Zrešty, Huliviera na śmietnik taksama nie vykinuć. Hetuju skulpturu ciapier adpravili na restaŭracyju, a paśla pastaviać u parku «Fiestyvalny».
Jak vyśvietliła «Biełka», Hulivier ciapier znachodzicca na adnoj ź placovak pradpryjemstva «Kirmaš». Tam stalnuju kanstrukcyju ačyściać ad iržy i pafarbujuć. Asablivaj uvahi patrabujuć nohi vołata. Mietał u hetaj častcy zamieniać, a da asnovy pryvaryć mietrovyja apory, jakija pry mantažy na novaj placoŭcy zabietanujuć.
Ciapier čytajuć
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały8
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary