Prarasijskaha aktyvista, paplečnika Mirsalimavaj asudzili na 10 sutak za «ekstremizm»
Siarhieja Łaškova, paplečnika Elviry Mirsalimavaj — prarasijskaj aktyvistki ź Viciebska — asudzili na 10 sutak za «ekstremizm».
Jak piša «Vitiebsk, ja hulaju!», Siarhiej Łaškoŭ — viadomy majstar pa ŭładkavańni mansardaŭ, aktyŭna prasoŭvaje idei «ruskaha śvietu» siarod miascovych žycharoŭ razam z Elviraj Mirsalimavaj.
Pavodle słoŭ Mirsalimavaj, Łaškoŭ prajšoŭ praz dva sudovyja pasiadžeńni pa adnoj spravie ŭ sudzie Čyhunačnaha rajona Viciebska. Nahodaj staŭ «łajk» abo repost — Mirsalimava dakładna pakul nie viedaje. Dali Łaškovu 10 sutak aryštu.
U ciapierašni čas jon vydaliŭ častku svaich sacsietak, zaŭvažaje «Vitiebsk, ja hulaju!»
Uvahu siłavikoŭ da ekstremizmu prarasijskich aktyvistaŭ pryciahvaje Dźmitryj Karniajenka. Niadaŭna jon pieradaŭ u milicyju list, dzie fihurujuć imiony viciebskich deputataŭ, hramadskich dziejačaŭ, a taksama žonki staršyni Viciebskaha abłvykankama Alaksandra Subocina. Karniajenka śćviardžaje, što hetyja ludzi raspaŭsiudžvajuć «ekstremizm».
Raniej pa zajavach Karniajenki byli pryciahnutyja da artykuła pa č. 2 art.19.11 KaAP RB niekalki žycharoŭ Viciebščyny, viadomyja padtrymkaj rasijskaj ahresii — siarod ich Elvira Mirsalimava, stalinist i były deputat Viarchoŭnaha Savieta SSSR Mikałaj Pietrušenka i inšyja.
-
Katalicki sajt: Na Pieršym kanale katalickaja imša zastałasia, źnikła jana z kanała «Kultura»
-
Azaronak pra zakryćcio biełaruskich kram: Prybrali tamu, što vy heta lubili. Mnie nie lanota siadzieć i hladzieć, dzie što pradajuć
-
Cichanoŭskaja: Kali my nie pazbavimsia hetaha režymu, pahroza z terytoryi Biełarusi budzie zastavacca pastajannaj
Ciapier čytajuć
«Spadziajusia, ale nie fakt, što pastuplu»: abituryjentka, jakaja zdała ŭsie ispyty na 100 bałaŭ9
Kamientary