«Nievinavaty». Viarchoŭny sud skasavaŭ prysud Ałviesu za zhvałtavańnie
U piatnicu Viarchoŭny sud ispanskaha rehijona Katałonija skasavaŭ prysud brazilskamu futbalistu Dani Ałviesu pa spravie ab zhvałtavańni, zajaviŭšy, što sprava suprać jaho maje niepaśladoŭnaści i supiarečnaści, piša Reuters.com
41-hadovy abaronca byŭ asudžany letaś za zhvałtavańnie žančyny ŭ prybiralni načnoha kłuba ŭ Barsiełonie ŭ 2022 hodzie i prysudžany da 4,5 hadoŭ pazbaŭleńnia voli.
«Dani Ałvies vielmi ščaślivy. Jon nievinavaty — heta dakazana. Pravasudździe vykazałasia», — zajaviła RAC1 advakatka byłoha hulca «Barsiełony», PSŽ i «Juvientusa» Ines Hvardzijoła.
U svaim rašeńni pa apielacyi Viarchoŭny sud Katałonii adznačyŭ, što śviedčańni paciarpiełaj «nie vyklikajuć davieru ŭ častcy faktaŭ, jakija možna było b abjektyŭna pravieryć praź videa», i «vyrazna ŭkazaŭ, što toje, što jana raskazvała, nie adpaviadaje rečaisnaści».
«Niedachopy ŭ dokazach pryvodziać da vysnovy, što patrabavany standart, jaki vypłyvaje z pryncypu prezumpcyi nievinavataści, nie byŭ vykanany», — havorycca ŭ rašeńni suda, dzie taksama adznačajucca «šerah prabiełaŭ, niedakładnaściaŭ, niesupadzieńniaŭ i supiarečnaściaŭ adnosna faktaŭ, pravavoj acenki i jaje nastupstvaŭ».
Rašeńnie jašče moža być abskardžana ŭ Viarchoŭnym sudzie Ispanii.
U lutym 2024 hoda sud pryznačyŭ Dani Ałviesu čatyry z pałovaj hady pazbaŭleńnia voli pa abvinavačvańni ŭ zhvałtavańni žančyny ŭ prybiralni načnoha kłuba ŭ Barsiełonie ŭ 2022 hodzie. Ałvies utrymlivaŭsia pad vartaj z momantu aryštu ŭ studzieni 2023 hoda. U sakaviku 2024-ha, praź miesiac paśla vyniasieńnia prysudu, sud adpuściŭ jaho pad zakład u adzin miljon jeŭra.
Ciapier čytajuć
Praź dzieviać miesiacaŭ paśla vyzvaleńnia pamior palitviazień Valeryj Bohdan4
Kamientary