U kancy tydnia biełarusy mohuć pačuć pieršyja viesnavyja navalnicy. Pra heta paviedamiŭ siońnia žurnalistam načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ.
Siaredniasutačnaja tempieratura pavietra, jakaja ŭstalujecca ŭ vychadnyja dni, budzie na 5‑10 hradusaŭ vyšejšaja za klimatyčnuju normu. «U čaćvier nas paraduje sonca, abłokaŭ budzie mała, pahrejemsia pa‑sapraŭdnamu. Ale ŭ vychadnyja dni čakajucca daždžy roznaj intensiŭnaści, i jość vialikaja vierahodnaść taho, što ŭ dzionny čas my pačujem pieršyja viesnavyja navalnicy», — raskazaŭ Dźmitryj Rabaŭ.
Pavodle jaho słoŭ, sapraŭdy viesnavoje nadvorje ŭ Biełarusi ŭstalujecca ŭ druhoj dekadzie krasavika, kali tempieratura pavietra budzie dasiahać spačatku 15 hradusaŭ ciapła, a naprykancy miesiaca — 22 hradusaŭ. U krasaviku siaredniamiesiačnaja tempieratura čakajecca kala klimatyčnaj normy. Kolkaść apadkaŭ taksama budzie ŭ miežach normy.
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary