U Vialikabrytanii ŭ siabie doma pamior Aleh Hardzijeŭski, jakoha nazyvajuć adnym z samych viadomych špijonaŭ XX stahodździa. Jamu było 86 hadoŭ, piša Ruskaja słužba Bi-bi-si.
U 1970—1980-ch hadach Hardzijeŭski na praciahu 15 hadoŭ kuryravaŭ Vialikabrytaniju i Skandynaviju ŭ Pieršym hałoŭnym upraŭleńni KDB. Trapiŭšy ŭ Złučanaje Karaleŭstva ŭ jakaści rezidenta, jon nieŭzabavie pačaŭ supracoŭničać z brytanskaj słužbaj MI-6 pad psieŭdanimam OVATION.
Heta supracoŭnictva praciahvałasia 11 hadoŭ, pakul maskoŭskaje kiraŭnictva nie zapadozryła niadobraje i Hardzijeŭski nie byŭ adklikany nazad u SSSR u 1985 hodzie. Ale letam taho ž hoda brytancy zdoleli pravieści tajemnuju apieracyju i vyvieźci Hardzijeŭskaha nazad u Vialikabrytaniju, dzie jon praciahnuŭ kansultavać zachodnija śpiecsłužby.
U SSSR pałkoŭnik Hardzijeŭski byŭ zavočna prysudžany da rasstrełu, a ŭ sučasnaj Rasii abvieščany zdradnikam za pieradaču brytancam vialikaha abjomu sakretnaj infarmacyi. Byłyja kalehi nazyvali jaho «ahidnym typam» i «talenavitym padluham».
Na Zachadzie hety čałaviek aceńvajecca zusim inakš. Ličycca, što jon dapamoh źmianić chod chałodnaj vajny, patłumačyŭšy zachodnim strukturam, što nasamreč dumajuć u SSSR, i jak lepš mieć znosiny z savieckim režymam.
U 2007 hodzie za zasłuhi ŭ harantavańni nacyjanalnaj biaśpieki Vialikabrytanii Aleh Hardzijeŭski byŭ uznaharodžany ordenam Śviatych Michaiła i Hieorhija, adnoj z najvyšejšych uznaharod Złučanaha Karaleŭstva.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty50
Kamientary