Vaskrasienski napisaŭ, što Łuckina prasiłasia viarnucca na BT, ale Ejsmant nie ŭziaŭ. Łuckina: «Chłuśnia»
Juryj Vaskrasienski napisaŭ, što palitźniavolenaja žurnalistka Ksienija Łuckina paśla vychadu na svabodu sprabavała viarnucca na BT, ale atrymała admovu ad Ivana Ejsmanta. «Naša Niva» spytała Ksienii, jak było ŭ realnaści.
Juryj Vaskrasienski raskazaŭ, paśla vychadu na volu Łuckina chutka ź im źviazałasia:
«U poli jaje cikaŭnaściaŭ było pracaŭładkavańnie nazad na BT, na lubuju pasadu i pazicyju, asabliva z pryčyny startu novaha pierśpiektyŭnaha, ź jaje słoŭ, prajekta — «Pieršaha infarmacyjnaha». Sabraŭšysia z reštkami empatyi, ja źviarnuŭsia da kiraŭnika Biełteleradyjokampanii z prośbaj pryniać Ksieniju nazad, na što atrymaŭ pryncypovy adkaz.
Ivan Michajłavič [Ejsmant], čałaviek nie mienš empatyčny, akazaŭsia bolš dalnabačnym […] «Nie voźmiem navat prybiralščycaj! I kalektyŭ nie prymie, i zdradzić praź miesiac!»
Ksienija raskazała «Našaj Nivie», što sustreča z Vaskrasienskim u jaje nasamreč była, ale ŭ astatnim jahonaja zajava — chłuśnia, i jana nie bačyć sensu heta kamientavać. Pavodle słoŭ Ksienii, nasamreč heta Vaskrasienski prapanoŭvaŭ joj pracu na BT:
«Ja nie baču siabie ŭ sučasnaj Biełteleradyjokampanii, pra što jamu i skazała. Praca na «Pieršym infarmacyjnym» — heta śmiešna.
Kali čałaviek nie znajomy z Kryminalnym kodeksam, chočacca nahadać jamu, što isnuje artykuł pra paklop».
«Naša Niva» — bastyjon biełaruščyny
PADTRYMAĆ«Skazali: Ejsmant na ciabie vielmi zły». Ksienija Łuckina — pra padziei na BT u 2020-m, kałoniju i ciažkuju chvarobu
Žurnalistka Ksienija Łuckina: Nie pamiataju pryjezd u kałoniju, tamu što vyvaliłasia z aŭtazaka i straciła prytomnaść
Nieabchodnuju sumu dla žurnalistki Ksienii Łuckinaj sabrali za dva dni
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ1
Kamientary
Ivan Michajłavič [Ejsmant], čałaviek nie mienš empatyčny,
...
božachna, jaki adski siur