U Biełarusi novy sposab machlarstva — telefanujuć nibyta z palikliniki
Nieviadomyja prapanujuć paćvierdzić zapis na pryjom, a potym prahaniajuć achviaru pa standartnaj schiemie.
Machlary ŭ Biełarusi ŭziali na ŭzbrajeńnie novy mietad ašukanstva. Ludzi raspaviadajuć u sacsietkach, što im telefanujuć byccam by z palikliniki. Nieviadomy pradstaŭlajecca rabotnikam rehistratury i prapanuje zapisacca na płanavuju dyspansieryzacyju.
Dla zapisu «rabotnik palikliniki» prosić nadyktavać identyfikacyjny numar z pašparta. Paśla hetaha na vajbier nibyta pavinna pryjści paćvierdžańnie zapisu.
Adnak zamiest hetaha achviary pastupaje jašče adzin zvanok, užo nibyta ad siłavika. Zvoniačy kaža čałavieku, što jon pieradaŭ asabistyja danyja machlaram, i na jaho imia ciapier voźmuć pazyki. Dalej — zvykłaja schiema: achviary daručajuć pajści ŭ bank, uziać pazyki samastojna i pieravieści hrošy na nibyta biaśpiečny rachunak.
Važna pamiatać, što realnyja supracoŭniki palikliniki naŭrad ci buduć prasić pašpartnyja dadzienyja pa telefonie.
-
U sanatoryj pad Maładziečnam zavieźli na lačeńnie «vieteranaŭ SVA»
-
«Ekstremisckimi» pryznali instahram-staronku Kanstancina Kavieryna i 250 stykieraŭ
-
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ
Ciapier čytajuć
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha1
Kamientary