«Chavali adny biercy». Stała viadoma, čamu žychar Rečycy pajšoŭ vajavać suprać Ukrainy
Pra hibiel žychara Rečycy Mikałaja Kovala na vajnie Rasii suprać Ukrainy letam 2024 hoda paviedamiła «Naša Niva». «Fłahštok» pahavaryŭ z byłym znajomym niaŭdałaha zachopnika — Iharam (imia źmieniena ŭ metach biaśpieki). Rašeńnie pajści na vajnu było pryniata paśla šerahu asabistych niaŭdač Mikałaja.
Mikałaj Koval pačynaŭ u MNS i mieŭ pierśpiektyvy dla karjernaha rostu:
«Narmalny kampaniejski chłopiec, pastupiŭ [u instytut MNS], pajšoŭ na pavyšeńnie, jak kiraŭnik byŭ spraviadlivy. Taki słužaka-ustaŭnik, fanat vajskovaha ŭkładu. Jaho chacieli stavić načalnikam Brahinskaha RANS. Jon admoviŭsia i zvolniŭsia. Uładkavaŭsia da naftavikoŭ na «Biełarusnaftu». Ale i tam niešta nie zrasłosia».
Pierad zaklučeńniem kantrakta ź Minabarony RF Mikałaj sutyknuŭsia z žyćciovymi ciažkaściami:
«Potym kupiŭ bus, vadziŭ maršrutku, ale sieŭ na stakan… Razvod, alimienty, biznes pajšoŭ pa p***ie, i jon zaklučyŭ kantrakt na SVA».
«Chavali adny biercy», — tak acharaktaryzavaŭ pachavańnie Ihar.
Jon miarkuje, što pryčynaj śmierci Mikałaja Kovala staŭ vybuch, bo dla pachavańnia rodnym dastavili tolki asobnyja frahmienty cieła.
Mikałaj Koval skončyŭ Homielski dziaržaŭny prafiesijna-techničny kaledž kulinaryi i Homielski inžynierny instytut MNS. Adsłužyŭ u pavietrana-desantnych vojskach. Niekatory čas pracavaŭ u pažarnaj avaryjna-vyratavalnaj čaści na abjekcie «Biełarusnafta» pad Rečycaj, byŭ načalnikam varty. Potym staŭ indyvidualnym pradprymalnikam.
Viadoma, što na Kovala raspačynali kryminalnuju spravu pa častcy 1 artykuła 218 («naŭmysnaje źniščeńnie abo paškodžańnie majomaści»), ale vytvorčaść spynili.
Kali Koval pajechaŭ vajavać, nieviadoma. Jon słužyŭ u 254-m motastrałkovym pałku (v/č 91704), jaki dysłakavaŭsia ŭ Branskaj vobłaści.
U mai 2024-ha Koval byŭ paranieny, trapiŭ u špital u Biełharadzie. Paśla znoŭ viarnuŭsia na vajnu, jaho pryznačyli kamandziram uzvoda. Z 4 lipienia 2024-ha ličyŭsia źnikłym bieź viestak.
Pra śmierć Mikałaja 30 žniŭnia 2024 hoda napisała ŭ sacsietkach jaho maci — Taćciana Koval:
«Synočak naš jedzie dadomu sa SVA naviečna maładym».
Kovalu było 44 hady.
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary
vot začiem vsiu niedielu po vsiem ŚMI chodit istorija, na kotoruju normalnym ludiam NAPLEVAŤ? da jeŝie i s prodołžienijem!!!