Premjerka Italii prapanavała raspaŭsiudzić na Ukrainu 5 artykuł statuta NATA
Premjer-ministarka Italii Džordža Miełoni ličyć, što raspaŭsiudžańnie na Ukrainu 5-ha artykuła statuta NATA biez pryjomu Ukrainy ŭ skład aljansu było b lepšaj harantyjaj biaśpieki, čym adpraŭka tudy miratvorcaŭ.
«Heta nie toje ž samaje, što ŭstupleńnie ŭ NATA, ale havorka idzie pra raspaŭsiud na Ukrainu takoha ž parasona biaśpieki, jaki majuć krainy NATA. Heta zabiaśpiečyła b stabilnyja, doŭhačasovyja i realnyja harantyi biaśpieki, bolš čym niekatoryja z prapanoŭ, jakija ja baču ciapier», — skazała Miełoni ŭ kułuarach samitu Jeŭrasajuza pa abaronie, jaki prajšoŭ 6 sakavika ŭ Bruseli.
Miełoni ŭdakładniła, što prapanova abmiarkoŭvajecca.
«Pakul niama kankretnych terminaŭ, ale ja baču značnuju cikavaść da hetaj idei z boku našych surazmoŭcaŭ», — dadała jana.
Pa słovach Miełoni, patrebnyja bolš doŭhaterminovyja pastanovy, čym adpraŭka jeŭrapiejskich miratvorčych vojskaŭ va Ukrainu.
Artykuł 5 abaviazvaje NATA da ŭzhodnienaj abarony u vypadku vajennaj ahresii suprać kahości ź jaho členaŭ.
Pres-sakratar MZS Ukrainy Hieorhij Cichi zajaviŭ, što Ukraina viadzie adnosna hetaha pieramovy ź Italijaj. Ciapier ukrainski bok vyśviatlaje padrabiaznaści takoj prapanovy, kab vyśvietlić kankretyku.
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
Kamientary