Biełaruskija fieministki Darja Afanaśjeva, Iryna Alchoŭka i Julija Mickievič atrymajuć niamieckuju premiju — 10 tysiač jeŭra
Siońnia, 7 sakavika, biełaruskija fieministki i abaroncy pravoŭ žančyn Darja Afanaśjeva, Iryna Alchoŭka i Julija Mickievič atrymajuć u Bierlinie žanočuju premiju imia Hanny Klajn, jakaja była zasnavana ŭ 2012 hodzie niamieckim palityčnym fondam imia Hienrycha Biola, piša Deutsche Welle.
«Darja, Iryna i Julija ŭvasablajuć asablivuju rolu žančyn u pratestach z nahody prezidenckich vybaraŭ u Biełarusi 2020 hoda. Paśla falsifikacyi vybaraŭ Łukašenkam jany ŭznačalili pratesty za svabodu i demakratyju ŭ Biełarusi letam 2020 hoda, jakija mabilizavali amal miljon hramadzian krainy», — paviedamlajecca ŭ abhruntavańni žury.
Premiju nazvali ŭ honar jurystki i byłoj sienatarki ziamli Bierlin Hanny Klajn, jakaja pamierła ŭ 2011 hodzie. Pieramožcu vybiraje žury ź piaci čałaviek.
Pamier uznaharody, jakaja finansujecca za košt achviaravańniaŭ, składaje 10 tysiač jeŭra.
Uručeńnie premii adbudziecca 7 sakavika a 19:00 pavodle Bierlina.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu12
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary