Navinku padrychtavali da śviata 8 sakavika, piša «Točka».
Vyrabiŭ niezvyčajnuju parfumu zavod «Sučasnyja bietonnyja kanstrukcyi». Na heta aŭtaraŭ natchnili «žančyny, jakija pracujuć na zavodzie».
Interjernuju parfumu nazvali Fundamental №1. Da aramatu padrychtavali i admysłovy proma-rolik.
Vytvorca kaža, što hety vodar simvalizuje bałans hrubych i dalikatnych formaŭ — jak hłybinia žanočaha pohladu napaŭniaje roznyja śfiery luboŭju da niuansaŭ i pryhažości, stvarajučy vytančany i vyrazny vynik.
«Žanočaja siła tut — heta sajuz žorstkaści i hnutkaści, spałučeńnie łohiki i intuicyi, technałohii i estetyki. U asnovie ŭsiaho — natchnieńnie žančyny. Ja b skazała, natchnieńnie ŭsich žančyn našaha pradpryjemstva, jakija zajmajucca takoj niaprostaj spravaj, jak vytvorčaść žalezabietonnych kanstrukcyj», — prakamientavała «Točkie» dyrektarka zavoda Taćciana Bihun.
Pa słovach hienieralnaj dyrektarki «A-100 Devałapmient», kudy ŭvachodziać «Sučasnyja bietonnyja technałohii», Hanny Jastrabavaj, na kirujučych pasadach ich kampanij šmat hadoŭ znachodziacca žančyny:
«My daŭno pierakanalisia, što mienavita žanočy padychod da kiravańnia vytvorčaściu i budaŭnictvam daje mahčymaść stvarać niestandartnyja prajekty, nadavać takuju ŭvahu detalam».
Ciapier čytajuć
Łukašenka niezadavoleny vice-premjerkaj Natallaj Piatkievič — «buksuje»21
Kamientary