Akuły atakavali rasijskich turystaŭ la bierahoŭ Filipin. Adnaho zabili, druhomu adhryźli ruku
Dva rasijskija turysty zahinuli la bierahoŭ Filipin — adzin patanuŭ, a na druhoha napali akuły, paviedamiła Associated Press (AP) sa spasyłkaj na bierahavuju achovu.
Čaćviora rasijskich turystaŭ adpravilisia na łodcy da vostrava Vierde z horada Puerta-Halera razam ź miascovym instruktaram pa dajvinhu. Padčas pahružeńnia ich padchapiła mocnaja padvodnaja płyń. Dvum udałosia biaśpiečna dapłyć da svajho dajv-katara, a dvoje inšych, 29-hadovy Ilja Pierahudzin i 39-hadovy Maksim Mielechaŭ, źnikli bieź viestak.
Pa infarmacyi ahienctva, instruktar pa dajvinhu, inšyja dajviery ŭ hetym rajonie i supracoŭniki bierahavoj achovy adrazu ž pačali pošuki. Mielechava praz hadzinu znajšli biez prytomnaści, paźniej u balnicy miedyki kanstatavali jaho śmierć.
«Druhoha rasijskaha dajviera znajšli atakavanym akułami. Na žal, jaho pravaja ruka była adarvanaja, i akuły kružyli vakoł jaho», — paviedamiŭ AP načalnik bierahavoj achovy Ejrłand Łapitan.
Kamientary