Starmier źbiraje ŭ Łondanie jeŭrapiejskich lidaraŭ i Zialenskaha, kab pryniać rašeńni pa vynikach pieramoŭ z Trampam
Na sustreču zaprošanyja lidary Francyi, Hiermanii, Italii, Ispanii, Polščy, skandynaŭskich krain, Rumynii, a taksama Turcyi, NATA i ES.
Premjer-ministr Vialikabrytanii Kir Starmier zaprasiŭ bolš za dziesiać jeŭrapiejskich lidaraŭ na samit pa pytańniach Ukrainy i biaśpieki, jaki adbudziecca 2 sakavika, piša «Jeŭrapiejskaja praŭda» sa spasyłkaj na AFP.
Na sustreču zaprošanyja lidary z usioj kantynientalnaj Jeŭropy, u tym liku Francyi, Hiermanii, Danii, Italii, a taksama pradstaŭniki Turcyi, NATA i Jeŭrapiejskaha sajuza.
Padčas sustrečy z prezidentam ZŠA Donaldam Trampam 27 lutaha Starmier taksama zaprasiŭ lidaraŭ Niderłandaŭ, Narviehii, Polščy, Ispanii, Finlandyi, Šviecyi, Čechii i Rumynii.
Čakajecca ŭdzieł hienieralnaha sakratara NATA Marka Rute, a taksama kiraŭnikoŭ Jeŭrakamisii Ursuły fon der Lajen i Jeŭrarady Antoniu Košty.
Napiaredadni samita Starmier praviadzie ranišniuju telefonnuju razmovu z krainami Bałtyi. Paśla hetaha jon sustreniecca z prezidentam Ukrainy Uładzimiram Zialenskim na Daŭninh-stryt, kab abmierkavać vajnu z Rasijaj.
Taksama zapłanavanyja pieramovy sam-nasam pamiž Starmieram i premjer-ministram Italii Džordža Miełoni.
U ofisie brytanskaha premjera zajavili, što samit budzie pabudavany na pieramovach u Paryžy, jakija raniej u hetym miesiacy pravioŭ prezident Francyi Emaniuel Makron, i zasiarodzicca na «ŭmacavańni pazicyi Ukrainy ciapier — uklučajučy praciahłuju vajskovuju padtrymku i ŭzmacnieńnie ekanamičnaha cisku na Rasieju».
Taksama na sustrečy znoŭ padkreśleny nieabchodnaść «tryvałaha doŭhačasovaha pahadnieńnia, jakoje zabiaśpiečyć pastajanny mir» i abmiarkujuć «nastupnyja kroki pa płanavańni tryvałych harantyj biaśpieki».
Akramia taho, Starmier znoŭ budzie nastojvać na tym, što Ukraina pavinna być častkaj lubych pieramoŭ, nakiravanych na spynieńnie trochhadovaj vajny z Rasieijaj. Jon taksama pryznaje «nieabchodnaść dla Jeŭropy hulać svaju rolu ŭ abaronie i aktyvizavacca na karyść kalektyŭnaj biaśpieki».
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary