Prakuratura nie pabačyła «nizkich matyvaŭ» u dziejańniach žyvadziora ź Lozna, jaki paviesiŭ sabaku na drevie
Haspadara sabaki aryštavali na sutki — na termin mienšy, čym dajuć za repost «ekstremisckich materyjałaŭ».
Pra heta paviedamlaje vydańnie Orsha.eu.
U studzieni ŭ Loźnienski RAUS źviarnuŭsia mužčyna, jaki vypadkova trapiŭ na miortvuju žyviolinu ŭ lesapałasie kala rajcentra.
Milicyja nieŭzabavie znajšła vinavataha. Im akazaŭsia 48-hadovy miascovy žychar. Pavodle jaho słoŭ, sabaka sam prybiŭsia da jaho doma i žyŭ tam doŭhi čas. Adnak susiedzi skardzilisia, što žyviolina biez nahladu chodzić pa čužych aharodach i psuje pasievy. Haspadaru paraili albo dresiravać sabaku, albo trymać jaho pryviazanym. Toj vyrašyŭ prablemu samym žorstkim sposabam.
U milicyi svaje dziejańni mužčyna patłumačyŭ tym, što bajaŭsia adkaznaści za dziejańni sabaki i tamu vyrašyŭ pazbavicca jaho.
Jak ciapier vyśvietliłasia, kryminalnuju spravu suprać žychara Lozna zavodzić nie stali. Prakuratura paličyła, što ŭ jaho dziejańniach nie było chulihanskich, karyślivych abo inšych nizkich matyvaŭ.
Adnak za žorstkaje abychodžańnie z žyviołaj, što pryviało da jaje hibieli, mužčynu pakarali pavodle č. 3 art. 16.29 KoAP. Sud Loźnienskaha rajona pastanaviŭ, što dastatkovym pakarańniem budzie administracyjny aryšt terminam na 7 sutak.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim6
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3232
Kamientary