Rasija moža addać svaje zamarožanyja ŭ Jeŭropie aktyvy Ukrainie ŭ miežach mirnaj damovy
Pra toje, što Rasija moža addać Ukrainie svaje zamarožanyja jeŭrapiejskija aktyvy na 300 miljardaŭ dołaraŭ stała viadoma ahienctvu Reuters.
Žurnalisty Reuters atrymali takuju infarmacyju ad troch svaich krynic.
Pa ich danych, scenaryj ź pieradačaj aktyvaŭ abmiarkoŭvajuć u Maskvie. Zhodna jamu, Rasija moža pieradać 300 miljardaŭ svaich aktyvaŭ, jakija zamarožany ŭ Jeŭropie, Ukrainie — u miežach mahčymaha mirnaha ŭrehulavańnia.
Pry hetym Maskva budzie nastojvać na tym, kab častka hetych hrošaj syšła na ŭkrainskija terytoryi, jakija kantraluje Rasija.
Reuters nie ŭdałosia vyśvietlić, ci abmiarkoŭvałasia ideja vykarystańnia zamarožanych srodkaŭ pamiž rasijskimi i amierykanskimi pradstaŭnikami na sustrečy ŭ Saudaŭskaj Aravii.
Rasija raniej zajaŭlała, što płany vykarystańnia hetych srodkaŭ va Ukrainie źjaŭlajucca rabavańniem.
Viadučy analityk kampanii «Reniesans Kapitał» Aleh Kuźmin ličyć, što roznahałośsi pamiž Złučanymi Štatami i Jeŭropaj, jakaja kantraluje bolšaść aktyvaŭ, uskładniać admienu zamarožvańnia.
«Heta zapatrabuje ad jeŭrapiejskaha boku poŭnaj padtrymki ciapierašniaj pazicyi ZŠA, nakiravanaj na dyjałoh z Rasijaj», — skazaŭ Kuźmin, nazvaŭšy taki scenaryj «vielmi aptymistyčnym».
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1818
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes18
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary