U Łatvii prapanavali zabaranić pasažyrskija pieravozki ŭ Biełaruś i Rasiju
Jak paviedamlaje Delfi.lv, deputat Nacyjanalnaha abjadnańnia «Usio dla Łatvii!» — «Ajčynie i svabodzie/RNNŁ» Janis Vitenbierhs adznačyŭ, što pasažyrskija pieravozki praciahvajucca, «niahledziačy na pastajannyja zakliki nie jeździć u hetyja krainy z ulikam vysokaha ryzyku viarboŭki, raźviedki i pravakacyj», tym samym «stvarajučy pahrozu biaśpiecy» Łatvii.
Akramia taho, pavodle słoŭ parłamientaryja, na hetych rejsach «pieravoziacca sankcyjnyja tavary».
Nacyjanalnaje abjadnańnie, jakoje ŭniesła ŭ parłamient zakonaprajekt ab zabaronie pasažyrskich pieravozak u Biełarusi i Rasiju, ličyć metazhodnym pačać pierahavory ź inšymi bałtyjskimi dziaržavami ab uviadzieńni ahulnaj zabarony.
Pa stanie na hety momant łatvijskija kampanii prapanujuć dzieviać maršrutaŭ u Biełaruś i Rasiju.
Jak paviedamlałasia raniej, na hetym tydni kamisija łatvijskaha Siejma ŭchvaliła prapanovu zabaranić pastaŭščykam turystyčnych pasłuh prapanoŭvać pajezdki ŭ Rasiju i Biełaruś.
Pradstaŭnica Łatvijskaj asacyjacyi turahientaŭ i turapierataraŭ Kityja Tyhule raskazała, što asacyjacyja ŭžo zaklikała svaich členaŭ admovicca ad arhanizacyi pajezdak u Rasiju i Biełaruś. Na hety momant pajezdki ŭ Rasiju nie prapanuje nivodzin apieratar, a pajezdki ŭ Biełaruś prapanujuć try-čatyry turfirmy.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary