Siejm Łatvii padtrymaŭ zabaronu na kuplu majomaści hramadzianami Biełarusi
20 lutaha deputaty Siejma Łatvii ŭ pieršym čytańni padtrymali zakonaprajekt «Zakon ab abmiežavańni pahroźlivych dla nacyjanalnaj biaśpieki ździełak», jaki praduhledžvaje zabaronu nabyćcia nieruchomaści ŭ Łatvii hramadzianami Rasii i Biełarusi abo jurydyčnymi asobami, što im naležać, paviedamlaje Delfi.lv.
Meta zakonaprajekta — nie dapuścić škodnych abo niebiaśpiečnych dla nacyjanalnych intaresaŭ Łatvii dziejańniaŭ, a taksama praduchilić abychod uviedzienych mižnarodnych sankcyj.
Źmieny zakranuć fizičnych i jurydyčnych asob ź Biełarusi i Rasii, a taksama jurydyčnych utvareńniaŭ, stvoranych u Rasii ci Biełarusi, abo čyje sapraŭdnyja bienieficyjary źjaŭlajucca hramadzianami hetych krain.
Płanujecca, što abmiežavańni nie buduć raspaŭsiudžvacca na asob, jakija atrymali status pastajannaha žychara Jeŭrapiejskaha sajuza abo pastajanny dazvoł na žycharstva ŭ Łatvii ŭ adpaviednaści z patrabavańniami, ustalavanymi zakonam ab imihracyi.
Kamientary