Amal dźvie traciny ŭkraincaŭ (63%) całkam abo chutčej uchvalajuć dziejnaść Uładzimira Zialenskaha jak prezidenta Ukrainy, a 74% ličać jaho patryjotam.
Pra heta śviedčać danyja apytańnia prajekta Onuch IBIF (pry finansavańni Brytanskaj akademii), apublikavanaha Kijeŭskim mižnarodnym instytutam sacyjałohii (KMIS), paviedamlaje «Suśpilnaje».
Pakazčyki apytańnia:
- 26,1% — całkam uchvalajuć dziejnaść prezidenta,
- 36,9% — chutčej uchvalajuć,
- 18,3% — chutčej nie ŭchvalajuć,
- 14,4% — całkam nie ŭchvalajuć.
Pavodle sacyjołahaŭ, pakazčyk uchvaleńnia (approve) blizki da pakazčyka davieru (trust), ale jany nie całkam identyčnyja (naprykład, možna ŭchvalać dziejańni palityka, ale nie daviarać jamu całkam).
Taksama hetyja pakazčyki (i ŭchvaleńnia, i davieru) adroźnivajucca ad elektaralnaha rejtynhu, kali čałaviek pavinien vybrać sa śpisu, za kaho budzie hałasavać. Padčas hałasavańnia ludzi vykarystoŭvajuć inšyja kryteryi acenki, što adlustroŭvaje inšaje staŭleńnie da palityka.
«Zaraz mnohija manipulujuć dadzienymi i pradstaŭlajuć uzrovień uchvaleńnia/davieru jak elektaralnyja rejtynhi, što źjaŭlajecca niekarektnym», — havorycca ŭ paviedamleńni.
-
Stała viadoma, jakoj krainie pieradavaŭ infarmacyju były kiraŭnik niamieckaj raźviedki
-
Uzbrojenyja ludzi ŭ maskach siłkom hnali mihrantaŭ ź Biełarusi ŭ Łatviju, pierasiekli miažu i skrali kamiery
-
Viadučy trejdar papiaredziŭ pra ryzyku rostu cen na naftu da $200 za baral praź niedachop reziervaŭ i tankieraŭ
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha16
Kamientary