Markaŭ: Płanaŭ błakavać niejkija sacyjalnyja sietki abo miesiendžary niama. Ale my da hetaha hatovyja
Ministr infarmacyi Marat Markaŭ raspavioŭ, ci źbirajucca ŭłady pa prykładzie Rasii błakavać instahram i jutub.
Ministr infarmacyi Marat Markaŭ na sustrečy z čyhunačnikami ŭ Baranavičach parazvažaŭ pra błakiroŭku sacsietak.
U Markava spytali, ci źbirajucca ŭłady pa prykładzie Rasii błakavać instahram i jutub. Ministr adznačyŭ, što technična heta mahčyma, ale nieabchodnaści pakul niama. Jon ličyć, u Rasii jutub staŭ biessensoŭny, u toj čas jak u Biełarusi jon pakul prynosić karyść uładam, piša «SB».
«Treba zaŭsiody aceńvać stupień karysnaści i niebiaśpieki. U Rasii jutub staŭ faktyčna biessensoŭny, jak instrumient infarmacyjnaha ŭździejańnia. U nas jon pakul karysny. Dakładna hetak ža i tyktok, i inšyja miesiendžary. To-bok my tam taksama pracujem. Ja maju na ŭvazie dziaržaŭnyja orhany, praŭładnyja hramadskija abjadnańni, dziaržaŭnyja ŚMI i prosta aktyvistaŭ, jakija ličać, što treba maksimalna danosić praŭdzivuju infarmacyju, u tym liku i da jeŭrapiejskaj aŭdytoryi.
Tamu płanaŭ začyniać jakija-niebudź sacyjalnyja sietki abo miesiendžary ŭ nas siońnia niama. Ale my da hetaha, u pryncypie, hatovy ŭ luby momant. I instrumienty padobnaha rodu ŭ nas jość», — adznačyŭ Markaŭ.
Čynoŭnik ahučyŭ i aŭdytoryju sacsietak u Biełarusi: pa jaho infarmacyi, u krainie pryblizna 5,5 miljona karystalnikaŭ tyktoka, telehram vykarystoŭvajuć ad 2,5 da 7,5 miljona čałaviek, instahram — kala čatyroch miljonaŭ.
«Fizična my možam ich zabłakavać. Ale ci treba heta rabić? Heta pytańnie dyskusijnaje. Na siońnia prezident abaznačyŭ mierkavańnie, što takoj nieabchodnaści niama. Bo karyści ad sacsietak i jutuba dla ludziej i ŭłady dastatkova šmat. Naša zadača — navučycca prafiesijna pracavać u hetaj śfiery», — zajaviŭ Markaŭ.
Ciapier čytajuć
Chłopca, jaki ŭ Lebiedzievaj chajaŭ Jeŭropu, asudzili za ŭdzieł u pratestach i ŭchileńnie ad vojska4
Kamientary
kakoje "otiečiestvo" u obłasti paraši?
kontaktiki i pročij kacapskij musor.vot tiebie i "altiernativa".
a vsie ludskoje oni skoro zabłokirujut totalno.čiem aktivno i zanimajutsia.