«Skazali, što niešta budzie cikavaje». Žurnalist Radyjo Svabody Andrej Kuźniečyk raskazaŭ, jak jaho vyzvalili
Žurnalist Radyjo Svaboda Andrej Kuźniečyk, jaki pravioŭ try hady za kratami, raskazaŭ, jak prajšło jaho vyzvaleńnie.
«Spačatku byŭ padjom, potym zvyčajnyja pracedury. Śniadańnie, siečka była ciopłaja. Potym skazali, što treba źbiracca na dopyt z dakumientami. Potym zvyčajny etap u styli KDB, kali jedzieš i ničoha nie bačyš i nie viedaješ, prajechali ŭsie minskija telestudyi, ja ŭžo potym, jak mašyna razahnałasia, padumaŭ, što my jedziem u [kałoniju] u Navapołack, a potym ja zrazumieŭ, što nie Navapołack. Skazali, što niešta budzie cikavaje. Jedzieš u mascy z naručnikami, ale pryjechali na miažu. Ciabie sustrakajuć inšyja tvary, kažuć, što ŭsio vydatna, a ty dumaješ, što na ciabie śviet abvalvajecca», — raskazaŭ Andrej, pra vyzvaleńnie jakoha stała viadoma ŭ sieradu.
Jon skazaŭ, što spačatku padumaŭ, što heta niejkaja padstava, što ciabie vyšturchoŭvajuć za miažu, a žonka i dzieci zastajucca ŭ Biełarusi, i ciabie nakryvaje, ale potym vyśviatlajecca, što jany taksama tut. «I ty adčuvaješ ščaście», — skazaŭ Andrej Kuźniečyk.
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary