Tramp sustreŭsia ŭ Biełym domie ź viernutym z Rasii amierykancam i anansavaŭ vyzvaleńnie jašče adnaho
Prezident ZŠA Donald Tramp pryniaŭ u Biełym domie Marka Fohiela — byłoha dypłamata i vykładčyka anhła-amierykanskaj škoły, pryhavoranaha ŭ Rasii da 14 hadoŭ turmy pa abvinavačańni ŭ kantrabandzie narkotykaŭ.
Padčas sustrečy z Fohielem Tramp anansavaŭ vyzvaleńnie jašče adnaho amierykanca. Chto mienavita budzie vyzvaleny, Tramp nie skazaŭ.
Tramp padkreśliŭ, što ŭmovy vyzvaleńnia Fohiela byli «dastatkova spraviadlivymi». Na pytańnie, što ZŠA addali Rasii ŭ abmien na svajho hramadzianina, jon adkazaŭ: «Nie tak užo šmat». Ale nijakich detalaŭ nie raskryŭ.
Tramp taksama zajaviŭ, što heta vyzvaleńnie moža stać važnym krokam pierad spynieńniem vajny va Ukrainie.
Taksama jon pachvaliŭ Uładzimira Pucina za jaho rolu ŭ vyzvaleńni: «Ja ŭdziačny za toje, što jon zrabiŭ. My cenim toje, što zrabiŭ prezident Pucin».
Mark Fohiel byŭ asudžany da 14 hadoŭ za kantrabandu narkotykaŭ. Były supracoŭnik amierykanskaj ambasady, a paźniej vykładčyk anhła-amierykanskaj škoły, byŭ zatrymany ŭ Šaramiećcievie ŭ žniŭni 2021 hoda ź miedycynskaj marychuanaj, jakuju jamu vypisaŭ doktar.
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili27
Kamientary
https://m.youtube.com/watch?v=ewIe15J5MuY