Abarot źniešniaha handlu Biełarusi tavarami i pasłuhami ŭ 2024 hodzie pieravysiŭ $100 młrd i vyras na 5,1% u paraŭnańni z papiarednim hodam. Adnak salda, jakoje było stanoŭčym u 2023-m, ciapier syšło ŭ hłyboki minus, paviedamlaje Office Life ca spasyłkaj na Nacbank.
Ekspart tavaraŭ i pasłuh za minuły hod skłaŭ kala $49,4 młrd, a impart — amal $50,7 młrd. Pavodle papiarednich danych Nacbanka, salda źniešniaha handlu ŭ vyniku skłała amal minus $1,309 młrd. U 2023 hodzie jano było stanoŭčym i dasiahnuła $246,4 młn.
Asnoŭny ŭniosak u razryŭ pamiž ekspartam i impartam zrabiŭ handal tavarami. Raniej Biełstat paviedamlaŭ, što admoŭnaje salda pa tavaraabarocie za hod skłała minus $5,37 młrd. Pavodle danych Nacbanka, hetaja ličba krychu nižejšaja (minus $4,7 młrd), ale heta tolki papiaredniaja acenka.
Pa pasłuhach tradycyjna salda źniešniaha handlu ŭ Biełarusi zastałosia stanoŭčym — kala $3,4 młrd, što prykładna na $0,6 młrd bolš, čym u 2023 hodzie. Adnak z-za vialikaha razryvu ŭ handli tavarami hetaha akazałasia niedastatkova, kab ahulnaje salda źniešniaha handlu vyjšła ŭ plus.
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
Kamientary