Raskład niekatorych aŭtobusaŭ i tralejbusaŭ źmianiajecca ŭ Minsku z pryčyny ramontu mostu na praśpiekcie Niezaležnaści
Źmieny stali nieabchodnymi z-za kapitalnaha ramontu puciepravoda z vulicy Maskoŭskaj na praśpiekt Niezaležnaści, jaki pačniecca ŭ subotu i budzie doŭžycca da kanca vosieni.
Kiraŭnictva «Minsktransa» pryniało rašeńnie źmianić z 8 lutaha raskład niekatorych papularnych u haradžan i haściej stalicy aŭtobusaŭ i tralejbusaŭ, paviedamlajecca na sajcie transpartnaj kampanii.
Heta źviazana z praviadzieńniem kapitalnaha ramontu puciepravoda z vulicy Maskoŭskaj na praśpiekt Niezaležnaści i abmiežavańniem ruchu transpartu na płoščy Niezaležnaści i vulicy Babrujskaj.
Tak, z 05:00 8 lutaha i na ŭvieś pieryjad kapramontu budzie źmianiona raskład nastupnych maršrutaŭ:
Aŭtobusy: №40, 47S, 50S, 78, 100, 111 i 190E.
Tralejbusy: №4, 7, 36, 44 i 58.
U «Minsktransie» taksama adznačajuć, što z-za prahnazujemych zatoraŭ na darohach maršrutaŭ hetych aŭtobusaŭ i tralejbusaŭ mahčyma adchileńnie ad raskładu ich ruchu.
Aktualny raskład hramadskaha transpartu rekamiendujecca praviarać na aficyjnym sajcie «Minsktransa».
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć48
Kamientary