Zavočna buduć sudzić błohiera Siarhieja Biaspałava. Jamu naličyli 30 miljonaŭ rubloŭ škody dziaržavie
Hienprakuratura nakiravała ŭ sud spravu suprać zasnavalnika kanała «Maja kraina Biełaruś» Siarhieja Biaspałava. Jamu vystavili kałasalnuju sumu nibyta naniesienaj dziaržavie škody. Sud budzie zavočnym.
Siarhieju inkryminavanyja nastupnyja artykuły:
č. 3 art. 130 KK (raspalvańnie varožaści), art. 188 KK (paklop), č. 1 art. 293 KK (masavyja biesparadki), č. 1 art. 342 KK (aktyŭny ŭdzieł u dziejańniach, jakija hruba parušajuć hramadski paradak), č. 1 art. 357 KK (zmova ci inšyja dziejańni, učynienyja z metaj zachopu dziaržaŭnaj ułady), č. 3 art. 361 KK (zakliki da sankcyj), č. 1 art. 361-1 KK (stvareńnie ekstremisckaha farmavańnia abo ŭdzieł u im), č. 2 art. 367 KK (paklop na Łukašenku), č. 2 art. 368 KK (abraza Łukašenki), art. 369-1 KK (dyskredytacyja Respubliki Biełaruś).
Hienprakuratura ličyć, što dziejańniami błohiera była naniesienaja škoda ŭ pamiery zvyš 30,9 miljona rubloŭ.
Padobny pamier škody byŭ vystaŭleny Ramanu Pratasieviču. Ale paźniej jaho vyzvalili ad vypłaty.
Kamientary