Biełaruś u adroźnieńnie ad Zachadu pravodzić «demakratyčnyja, a nie psieŭdademakratyčnyja vybary», zajaviŭ Alaksandr Łukašenka na sustrečy z hienprakuroram Andrejem Šviedam.
«My sapraŭdy pavinny nie psieŭdademakratyčnyja pravodzić vybary, jak heta ŭ našych (apanientaŭ) na Zachadzie byvaje: jany nas vučać, a sami vybary pravodziać nie zaŭsiody demakratyčna i nie ŭsiudy, i naohuł, napeŭna, nie pravodziać. My ž pavinny heta rabić vielmi demakratyčna: heta toj čas, kali narod usio vyrašaje», — zajaviŭ Łukašenka.
Jon pacikaviŭsia ŭ hienprakurora pra toje, ci byli niejkija zaŭvahi ŭ viedamstva da prezidenckich vybaraŭ u Biełarusi, jakija prajšli 26 studzienia.
«Tamu voś z hetaha punktu hledžańnia ci byli ŭ nas niejkija parušeńni, ci zaŭvažyli prakurory niešta, nad čym treba budzie pracavać?» — spytaŭ jon.
«Vybary prajšli. Dziakuj vialiki ludziam za padtrymku. Vy jak orhan, jaki achoŭvaje zakonnaść, ci byli tut istotnyja parušeńni padčas vybaraŭ, z vašaha punktu hledžańnia? Nad čym nam treba budzie jašče pracavać?» — dadaŭ Łukašenka.
Nahadajem, što Łukašenku na minułych vybarach napisali 86,82 pracenta.
Ciapier čytajuć
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami23
Kamientary