Ministarka pracy Litvy: Biez naležnaha kantrolu mihracyja moža pahražać biaśpiecy krainy
Ministr sacyjalnaj abarony i pracy Litvy Inha Ruhinienie padkreślivaje nieabchodnaść kantrolu za kolkaściu zamiežnych rabotnikaŭ, jakija prybyvajuć u krainu, kab harantavać jaje biaśpieku, piša Delfi.lt.
«Isnujuć pahrozy, jany źviazanyja z hieapalityčnaj situacyjaj. Našy rašeńni, mahčyma, trochi bolš strohija, vyznačajucca mnohimi aśpiektami. Adnym z aśpiektaŭ źjaŭlajecca biaśpieka, jakaja nas dla nas vielmi važnaja», — skazała ministarka.
«Havorka nie idzie pra zakrytyja miežy, bo pieramiaščeńnie ludziej pavinna być, ale pavinna być palityka kantralavanaj mihracyi», — padkreśliła I.Ruhinienie.
Ministarka pierakananaja, što, kali b dziaržava vydzieliła jašče bolš mahčymaściaŭ dla pravierki zamiežnikaŭ, što prybyvajuć, było b vyjaŭlena jašče bolš asob, jakija ŭjaŭlajuć pahrozu biaśpiecy.
«Našy śpiecsłužby daŭno, šmat hadoŭ sihnalizujuć ab tym, što nieabmiežavany ŭvoz pracoŭnaj siły pavinien być abmiežavany vyklučna tamu, što ŭ słužbaŭ abmiežavanyja mahčymaści pa praviercy ludziej. My heta bačym: kali b u śpiecsłužbaŭ byli vialikija mahčymaści, to, mahčyma, hetyja ličby byli b jašče bolš sumnyja», — pryznała jana.
Pavodle danych Departamienta mihracyi, na 1 studzienia hetaha hoda ŭ Litvie pražyvała amal 218 tysiač zamiežnikaŭ, što składaje bolš za 7,5% ad ahulnaj kolkaści nasielnictva krainy. Najbolšuju častku składajuć ukraincy — 77 080 čałaviek, biełarusy — 57 511 čałaviek i rasijanie — 14 978 čałaviek.
Ciapier čytajuć
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ3232
Kamientary